Дома Blog Страница 117

Израмнети се силите: На пет меча домаќините се фаворити, на останатите пет гостите со поголеми шанси за победа

Трајан Маневски
-
0
Израмнети се силите: На пет меча домаќините се фаворити, на останатите пет гостите со поголеми шанси за победа

Само утре останува НБА-екипите да одиграат три-четири натпревари и да се комплетира регуларниот дел од најсилното кошаркарско натпреварување во светот. На Западната конференција веќе се познати најдобрите 10-те екипи кои ќе продолжат во разигрувањето, додека на Истокот има многу повеќе непознаници.

Ноќеска се играат дури 10 средби, а интересно е дека според коефициентите, „силите се израмнети“, односно на пет меча домаќините се фаворити според понудените квоти, а на пет дуели поголеми шанси да стигнат до победа имаат гостинските екипи.

Во понудата има и голема понуда за „плус-минус“ поени на повеќе од 50 кошаркари.

Откриено е зошто Јамал жестоко негодуваше по победата над Атлетико (Видео)

Трајан Маневски
-
0
Откриено е зошто Јамал жестоко негодуваше по победата над Атлетико (Видео)

Барселона во саботата го победи Атлетико во Мадрид, а освен погодоците, моментот кој го одбележа овој дуел се случи по последниот судиски свиреж. Тинејџерската ѕвезда на Барселона, Ламин Јамал, беше многу лут по средбата, дури влезе и во конфликт со тренерот Ханси Флик.

Каталонскиот весник „Мундо депортиво“ ја откри причината за лутата реакција на Ламин. Фудбалерот бил лут на тренерот на голманите на Барселона и одговорен за тактичката поставеност, Хосе Рамон де ла Фуенте. Еден од тренерите на Барселона го прекорил Јамал откако по една акција на Барселона во 85-тата минута, тинејџерот наместо да додаде, решил да шутира.

Во тој момент тренерот Хосе Рамон де ла Фуенте жестоко реагирал кон Јамал, па фудбалерот се налутил и откако заврши мечот, реагираше за постапката на тренерот.

Финансиски нокаут за Италија: Поради поразот од БиХ, Аѕруите ќе загубат милјарда евра!

Трајан Маневски
-
0
Финансиски нокаут за Италија: Поради поразот од БиХ, Аѕруите ќе загубат милјарда евра!

Додека Босна и Херцеговина го слави историскиот пласман на Светското првенство, Италија доживува вистинска спортска и економска катастрофа поради фудбалскиот неуспех. Поразот од Босна и Херцеговина и пропуштањето на планетарниот собир, и тоа по третпат во низа, директно ја погоди италијанската економија, а штетата се проценува на неверојатни една милијарда евра.

Италијанската фудбалска федерација прва го почувствува ударот губејќи околу 30 милиони евра поради недостаток на награди од ФИФА и намалени плаќања од „Адидас“, додека продажбата на дресови и новите спонзорски договори се запрени.

Најголемите загуби доаѓаат од секторот за маркетинг и обложување, дури 700 милиони евра. Телевизиските канали остануваат без приходи од рекламирање, а спортските обложувалници бележат пад на прометот од 600 милиони евра.

Покрај тоа, угостителската и туристичката индустрија, таканаречената „Системска Италија“, губи околу половина милијарда евра поради празни ресторани и кафулиња, кои инаку би биле полни за време на натпреварите на националните тимови.

Промашените пенали од Пио Еспозито и Брајан Кристанте не се само спортска трагедија, туку и економски губиток што ќе се чувствува во Италија.

Новото офсајд правило кое е креација на легендарниот Венгер веќе се применува во Канада

Трајан Маневски
-
0
Новото офсајд правило кое е креација на легендарниот Венгер веќе се применува во Канада

На мечот од канадското фудбалско првенство меѓу Форге и Отава домашниот тим победи со 2:0, се случи историски момент. Во фудбалскиот свет за првпат на професионално ниво беше применета една голема иновација, беше искористено „Венгеровото правило“ за офсајд.

Клучен момент беше кога фудбалерот на Отава ја добива топката, а со телото е пред противничките играчи и според актуелното правило за офсајд, се наожа во недозволена позиција. Сепак, во Канада започна примената на новото „Венгерово правило“ за офсајд, кое вели дека играчот е во дозволена ситуација дури и ако само со еден милиметар од телото е во иста линија со противничкиот играч.

Во една таква ситуација која би била офсајд во остатоткот од светот, во Канада судиите дозволија играта да продолжи. Се очекува новото „Венгерово правило“ за офсајд во скоро време да биде применето во целиот свет.

Силекс го преслуша Тиквеш во Кавадарци, Башкими и Брера останаа без „муниција“

Трајан Маневски
-
0
Силекс го преслуша Тиквеш во Кавадарци, Башкими и Брера останаа без „муниција“

Силекс без никакви проблеми стигна до три бода на гостувањето во Кавадарци во меч од 26-тото коло на Првата фудбалска лига на Македонија откако убедливо со 3:0 славеше против Тиквеш. Со оваа победа Силекс се зацврсти на четвртото место на табелата со 46 бода, додека Тиквеш остана петти со 37 бода.

Победата на гостите од Кратово ја најави Мигуел Пирес со погодокот во 17-тата минута. За португалскиот интернационалец ова беше 10-ти погодок сезонава. Пред крајот на првото полувреме, односно во 41-вата минута, босанскиот интернационалец Алиќ со својот седми погодок сезонава зголеми на 2:0, резултат со кој се отиде на одмор. Печат на победата на Силекс стави Велиновски со погодокот во 85-тата минута.

Во вториот меч кој се играше денеска, Башкими во Куманово одигра без голови против Брера. Сега Башкими има 37 бода и е на шестото место, додека струмичка Брера е на седмото место со 32 бода.

Барса налето ќе го откупи Жоао Кансело

Никола Ѓуровски
-
0
Барса налето ќе го откупи Жоао Кансело

Барселона започна преговори за трајно ангажирање на португалскиот бек Жоао Кансело. Во моментов Кансело настапува за Барселона како позајмен играч од Ал-Хилал, но каталонскиот гигант сака да го задржи со перманентен договор.

Од двете страни постои желба за продолжување на соработката. Барселона сака да го има во своите редови преку траен трансфер, додека и Кансело сака да остане на „Камп ноу“.

Преговорите се во тек, а Ал-Хилал ќе треба да ги утврди условите под кои бекот ќе може да го комплетира трансферот во лидерот на шпанската Ла Лига.

Само еден тенисер може да ги сопре Синер и Алкарас, но тоа не е Ѓоковиќ

Трајан Маневски
-
0
Само еден тенисер може да ги сопре Синер и Алкарас, но тоа не е Ѓоковиќ

Легендарниот италијански тенисер Рикардо Пјати верува дека има еден играч кој може да застане на патот на доминацијата која во моментов ја имаат Јаник Синер и Карлос Алкарас, но тоа не е Новак Ѓоковиќ. Во моментов се игра Мастерс турнирот во Монте Карло, каде што не учествува Ѓоковиќ, а Пјати посочи едно име кое може да им парира на двајцата најдобри тенисери во моментов. Тоа е Алексанер Зверев.

„Единствен кој може да им парира на земјена подлога на Синер и Алкарас е Саша Зверев. Тој е голем работник. Негов тренер е татко му и тоа му одговара. Додуша, би било добро да донесе некој кој би му помогнал и да го поправи сервисот. Тоа би му било од полза. На земјена подлога очекувам добро да се покаже и Лоренцо Мусети, кој традиционално добро игра на Ролан Гарос“, анализира Пјати.

Во последниве две и пол години, Синер и Алкарас доминираат на големите турнири и речиси не дозволија некој друг тенисер да стигне до трофеј.

 

Дури на 30-мина фудбалери им се заканува суспензија за реванш-дуелите во Лигата на шампионите

Трајан Маневски
-
0
Дури на 30-мина фудбалери им се заканува суспензија за реванш-дуелите во Лигата на шампионите

Од 36 клубови во лигашкиот дел, бројката на екипи кои останаа во борба за трофејот во Лигата на шампионите се намали само на осум. Тоа се осумте најдобри кои вечерва и утревечер ќе играат во првите четвртфинални дуели од елитното европско друштво.

Во една ваква фаза од натпреварувањето, секој момент, секој потег може да биде клучен, па така треба да се внимава и на моментот дали ќе се добие жолт картон и дали поради таа јавна опомена нема да може фудбалерот да му помогне на својот клуб во реваншот од четвртфиналето.

Според досега поделените жолти картони, јасно е дека дури 30-мина фудбалери се под опасност ако вечерва или утревечер добијат жолт картон, па ќе мора да го пропуштат реваншот од четвртфиналето. Најзагрозен тим по ова прашање е Атлетико Мадрид, кој има дури осуммина фудбалери кои потенцијално може да го пропуштат реваншот против Барселона ако добијат жолт картон на утрешната пресметка на „Камп ноу“. Втор на оваа листа е Реал Мадрид со седуммина фудбалери кои би отсуствувале на реваншот во Минхен против Баерн ако вечерва добијат јавна опомена.

Листа на фудбалери кои треба да внимаваат да не добијат жолт картон ако сакаат да не бидат суспендирани за реваншите:

Реал Мадрид: Хаусен, Карерас, Чуамени, Белингам, Мбапе, Винисиус јуниор, Родриго,

Баерн Минхен: Лајмер и Упамекано

Спортинг Лисабон: Луис Суарес

Арсенал: Зубименди и Норгард

ПСЖ: Кварацхелија и Нињо Мендеш

Ливерпул: Ван Дајк, Бредли, Гравенбер, Џоунс

Барселона: Џерар Мартин, Касадо, Фермин Лопес, Ламин Јамал

Атлетико Мадрид: Љоренте, Ле Норман, Ленгле, Руџери, Симеоне, Алмада, Бариос и Пубиљ.

Голманот не размислуваше многу и со тупаница го удри навивачот во глава (Видео)

Трајан Маневски
-
0
Голманот не размислуваше многу и со тупаница го удри навивачот во глава (Видео)

Џо Рајт е голман на англискиот нисколигаш Енфилд таун, а стана популарен поради неговата реакција и снимката на која наводно удира противнички навивач за време на еден натпревар. Инцидентот се случил во петокот на „Челмсфорд сити“, а по средбата голманот морал да си замине од теренот со помош на обезбедувањето, пишува „Дејли мејл“.

Видеото, кое стана вирално, го прикажува 29-годишниот Рајт додека се подготвува да ја земе топката и да изведе голаут, кога одеднаш се сврти кон навивачите на Челмсфорд кои стоеле веднаш зад него. Потоа удрил еден од навивачите со тупаница.

Потоа тој се вратил на теренот за да го продолжи натпреварот, но имало прекин од седум минути. Според официјалниот извештај од натпреварот на веб-страницата на „Енфилд“, ниту судијата ниту помошниот судија не го виделе инцидентот, па Рајт не бил исклучен.

На видеото, кое е снимено на трибините на стадионот „Данмоу груп комјунити“, меѓу 2.200 гледачи може да се слушнат реакции по непромислениот потег на голманот. За среќа, навивачите останале смирени и никој не втрча на теренот, а по мечот, голманот во тунелот бил спроведен со обезбедување.

Спалети ги нападна фудбалерите на Јувентус: „Некои од нив излегоа како на прошетка на теренот“

Никола Ѓуровски
-
0
Спалети ги нападна фудбалерите на Јувентус: „Некои од нив излегоа како на прошетка на теренот“

Лучано Спалети, тренерот на Јувентус, не беше целосно задоволен и покрај победата со 2-0 над Џенова во 31-вото коло на Серија А. Иако тимот освои три поени, Спалети изрази незадоволство од играта, особено по паузата за одмор.

На прашањето како се чувствува што достигнал 300 победи во италијанската елита, тренерот одговори со својот препознатлив хумор:

„Што значи тоа? Дека сум прилично стар.“

Сепак, италијанскиот стручњак сериозно ги критикуваше играчите за второто полувреме и нагласи дека падот во играта не е поради замор.

„Никако. Не трениравме ниту вчера, ниту ден претходно. Играчите се вратија од националните тимови, имаа два дена слободно, потоа една и пол тренинг-сесија и пауза. Но, на теренот делуваа како да излегуваат само за статични ситуации. Не се уморни, понекогаш едноставно не си најдобрата верзија на себе.“

На крајот, Спалети се осврна и на здравствената состојба на Душан Влаховиќ и Матија Перин, кои беа заменети поради физички проблеми.

„Имаме загриженост бидејќи и двајцата почувствуваа мускулен дискомфорт и ќе направиме испитувања за да разбереме колку време ќе им треба за закрепнување“, истакна тренерот на Јувентус.

1...116117118...10.806Страна 117 од 10.806