Дома Blog Страница 157

Мбапе: Ако можеле Ди Стефано и Роналдо, можам и јас

Трајан Маневски
-
0
Мбапе: Ако можеле Ди Стефано и Роналдо, можам и јас

Килијан Мбапе ги заврши репрезентативните обврски со Франција и забележа победи во дуелите против Бразил (2:1) и Колумбија (3:1). Мбапе даде еден гол против Бразил на меч на којшто играше 66 минути, додека на дуелот против Колумбија во игра влезе во последните 13 минути, кога беше решен победникот.

Сега голгетерот повторно треба да се фокусира на обврските на клупско ниво во Реал Мадрид. Мбапе нема дадено гол за Реал вкупно на десет меча, но треба да се потенцира дека пет средби ги пропушти поради повреда на коленото, а на една остана на клупата за резерви, а на две играше само во последните 20-тина минути.

Мбапе едноставно сезонава не е на истото ниво како претходните две години, па тоа наидува на револт кај навивачите на Реал. Французинот е свесен за тоа каков е притисокот да се игра за Реал Мадрид.

„Навивачите на Реал Мадрид се како религија. Луѓето навистина се со многу страст, затоа ми е јасно зошто толку се интересираат за сè што се однесува за мене“, рече Мбапе, кој моментално е цел на критики од фановите. Ова не е првпат Мбапе да биде цел на критики на фановите. Во 2024 година тој имаше слаб придонес, па беше критикуван, но тогаш Французинот возврати на најдобар можен начин, станувајќи најдобар стрелец во шпанската лига и ја освои својата прва Златна копачка на Европа.

„Во Реал Мадрид мора да знаете да се носите со критиките. Тоа го поминале и Кристијано Роналдо и Алфредо ди Стефано. Не гледам зошто јас би бил исклучок. Треба само да се остане смирен, фокусиран и да се продолжи да се работи“, додаде Мбапе.

Французинот ја коментираше ситуацијата и со повредата на коленото и рече дека навивачите на Реал не треба да се грижат за тоа дали ќе игра или ќе се чува за настапот на Светското првенство. „Во Шпанија малку се загрижени дека нема да играм, дека ќе се чувам за Светското првенство, но не е така. Најдобар начин на Мундијалот да бидам во врвна форма е да ги освојам сите трофеи на клупско ниво. Уште сме во игра за титулите во Шпанија и во Лигата на шампионите. Во ЛШ ќе играме против Баерн, кој моментно е во најдобра форма во Европа. Сепак, ако постои некој тим кој може да го победи Баерн, тоа е Реал Мадрид“, оптимистички најавива францускиот голгетер.

Фудбалот одамна не бил вакво „малцинство“ во однос на сите останати спортови кај мечевите со зголемени коефициенти

Трајан Маневски
-
0
Фудбалот одамна не бил вакво „малцинство“ во однос на сите останати спортови кај мечевите со зголемени коефициенти

Денешниот Супер тип е специфичен затоа што има само пет фудбалски натпревари во понудата со 16 дуели на кои може да се најдат зголемени коефициенти. Возбудувањата ќе започнат со тенискиот дуел на кој Кукушкин е фаворит за победа и 1.46 е да слави над Глинка. Од тенисите тука се и зголемените коефициенти за победи на Ханфман, Заразуа, Томова и Жанг.

Од четири хокеј пресметки, на три во фаворитска улога се гостите. Тапара да победи кај ХПК е 1.73 коефициент, а на гости да се радуваат Локомотив и Авангард Омск е со квоти од 1.87 и 1.83.

Од кошарките, возбудувањата се во Евролигата, каде што домаќините Панатинаикос и Црвена ѕвезда се фаворизирани за триумфи над Олимпијакос, односно Дубаи.

Фудбалските возбудувања нудат зголемени коефициенти за победи на домашните екипи Торпедо Москва во руската втора лига, како и за Арецо против Асколи во италијанската Серија Ц.

Миовски може да си замине од Ренџерс на крајот од сезоната

Трајан Маневски
-
0
Миовски може да си замине од Ренџерс на крајот од сезоната

Македонскиот репрезентативец Бојан Миовски порано од предвиденото ги заврши обврските околу националниот тим откако реши да им се врати на клупските обврски пред да биде дуелот против Република Ирска во Даблин. Миовски не доби шанса да игра за Македонија против Данска, па разочаран побара предвреме да си замине од репрезентацијата во овој циклус и да се фокусира на обврските што ги има со Глазгов ренџерс.

На Миовски не му оди најдобро ниту во Ренџерс, каде што последен пат беше стартер на 2 февруари, на дуел против Килманрок. Кога потпиша за шкотскиот гигант, Миовски беше најавуван како големо засилување и веднаш, неполни 24 часа од доаѓањето беше стартер против вечниот ривал Селтик. Сепак, сега Миовски е сè поблиску до заминување од Ренџерс, а тоа го пишуваат и тамошните медиуми.

„Поранешната ѕвезда на Абердин одигра само 20 минути во последните три првенствени натпревари за Ренџерс, па веќе се зборува дека Миовски треба да биде продаден. Ренџерс размислува за доведување нов напаѓач по завршувањето на сезоната, а прв на списокот е голгетерот на Шефилд јунајтед, Тајрис Кембел. Наводниот интерес на клубот за потпишување на договорот со Кемпбел ќе биде можна лоша вест за Миовски бидејќи тоа би можело да го означи крајот на неговиот престој во Иброкс, пишува „Дејли Рекорд“.

Следниот меч Ренџерс ќе го игра на домашен терен против екипата на Данди на 4 април.

 

Црвена ѕвезда се „вплетка“ во Квотите на денот, вкупниот коефициент е одличен

Трајан Маневски
-
0
Црвена ѕвезда се „вплетка“ во Квотите на денот, вкупниот коефициент е одличен

Четири фудбалски дуели и една кошаркарска пресметка се дел од понудата во Квотите на денот, а доколку сите пет комбинации ги одиграте на еден тикет, вкупниот коефициент кој ќе го добиете е 35.88.

Во египетскиот плејоф Ал-Масри клуб го пречекува Ел Гуна и тука не треба да има повеќе од еден гол во двете полувремиња за да биде добитна квотата од 1.95.

Португалија У20 тимот да не загуби од врсниците на Чешка во меч на којшто ќе има голови на двете страни се вреднува со коефициент од 2.05.

Да бидел гол-гол во првото или во второто полувреме на дуелот меѓу Холандија У21 и Белгија У21 е со коефициент од 1.90.

Во кошаркарската Евролига, Црвена ѕвезда на свој терен треба да води на полувреме и на крајот да победи во пресметката против Дубаи. Оваа комбинација е со квота од 2.10.

Во пријателски меч, Германија да постигне барем два погодоци против Гана, но на крајот да биде и гол-гол комбинација се вреднува со коефициент од 2.25.

Дешан фрустриран од организацијата во САД: Никогаш не сум видел вакво нешто

Трајан Маневски
-
0
Дешан фрустриран од организацијата во САД: Никогаш не сум видел вакво нешто

Француската репрезентација забележа две победи на турнејата која ја имаше во САД. Во двата контролни дуела кои ги одиграа, Галските петли славеа над Бразил со 2:1, а потоа и со 3:1 над Колумбија. Селекторот на Франција, Дидие Дешан, е задоволен од играта и резултатите на својот тим, а беше зачуден од тоа какви се безбедносните мерки за влез во САД, земјата која за помалку од 100 дена ќе биде кодомаќин на Светското првенство заедно со Канада и Мексико.

„По доаѓањето, поминавме неверојатно многу време на аеродромот. Имаше такви контроли какви што никогаш не сум ги видел. Но, се прилагодуваме“, рече Дешан. Селекторот на Франција беше задоволен од временските услови на коишто играа, но има и проблем а тоа е колку долго време може да се патува од едно на друго место.

„Температурите беа добри, но тука е и еден проблем за којшто знаев дека ќе постои, а тоа е времето потребно за патување“, додаде Дешан.

Дешан е на чело на француската репрезентација од 2012 година и ја предводеше на три светски првенства, од кои има едно златно на Мундијалот во 2018 и сребро од првенството во 2022 година. По завршување на планетарниот собир ова лето, Дешан ќе си замине од селекторската функција.

 

Јаник Синер со подвиг кој не му успеал на ниту еден тенисер во историјата

Трајан Маневски
-
0
Јаник Синер со подвиг кој не му успеал на ниту еден тенисер во историјата

Јаник Синер е освојувач на Мастерсот во Мајами откако во финалето по малку повеќе од еден и пол час игра го победи Јири Лехечка со 6:4, 6:4. Со оваа победа Синер само ја потврди доминацијата која ја има во моментов и го комплетира „Саншајн дубл“, односно да ги освои мастерсите во Индијан Велс и Мајами во иста година. Тоа на машкиот дел од турнирот се немаше случено девет години, односно од подвигот што го направи Роџер Федерер во 2017 година. Италијанецот сега е само осмиот тенисер кој може да се пофали со ваков подвиг.

Сепак, победата на Синер во финалето против Лехечка е уникатна затоа што тој стана првиот тенисер во историјата кој успеал да ги комплетира трофеите на Индијан Велс и Мајами и тоа без да загуби ниту еден сет.

„Многу сум среќен. Многу ми значи што си заминувам од оваа турнеја не со еден туку со два трофеи. Неверојатно е чувството, првпат го освојувам Саншајн дабл. Никогаш не сум помислувал дека ќе можам да направам нешто такво затоа што е многу тешко да се успее. Среќен сум што успеав“, рече Синер по победата во финалето во Мајами.

Најубедлива победа во историјата на Торонто репторс, го срушија и НБА-рекордот (Видео)

Трајан Маневски
-
0
Најубедлива победа во историјата на Торонто репторс, го срушија и НБА-рекордот (Видео)

Екипата на Торонто репторс одигра меч за историја откако на свој терен со неверојатни 139:87 го победи Орландо меџик. Победата од 52 разлика е најголема за Торонто во клупската историја. Освен овој рекорд, Торонто постави и еден НБА-рекорд, а тоа е неверојатната низа која ја има од 31:0. Откако од сезоната 1997/98 се води детална статистика, никогаш претходно немало некој тим да постигне 31 поен по ред без да прими ниту еден.

Во првата четвртина Орландо водеше со 20:14, а потоа се случи моментот за историја, односно серијата од 31:0 за Торонто, па домаќините поведоа со 45:20. На полувреме Торонто водеше со 70:43, а домаќините во ист ритам продолжија и во вториот дел. Разликата постојано се зголемуваше, а во еден момент од последната четвртина Торонто водеше дури со 56 поени предност (126:70).

На крајот и победата од 52 разлика е историска за Торонто, но и за Орландо, кој го претрпе најтешкиот пораз во клупската историја. Претходно Орландо најмногу имаше загубено со 47 разлика, и тоа на 10 април 2017 година од Чикаго.

Во останатите мечеви кои се играа ноќеска: Бруклин – Сакраменто 116:99, Шарлот – Бостон 99:114, Портланд – Вашингтон 123:88, Њу Орлеанс – Хјустон 102:134, Оклахома Њујорк 111:100, Денвер – Голден стејт 116:93.

Батурина до возач во Орландо: Од општа култура треба да знаеш кој е Лука Модриќ!

Златко Јуруковски
-
0
Батурина до возач во Орландо: Од општа култура треба да знаеш кој е Лука Модриќ!

Хрватскиот фудбалски репрезентативец Иван Смолчиќ пред пријателскиот меч со Бразил во ноќта вторник кон среда, раскажа анегдота од престојот во Орландо како возачот на такси не го препознал легендарниот Лука Модриќ.

„Господинот што нè возеше од аеродромот рече дека возел двајца играчи пред нас. Ни покажа слика од Дује Чалета-Цар и Лука Модриќ. Го возеше ли Лука?, го прашавме. Овој?, праша тој. Му одговоривме: Да, зарем не го познаваш ли Лука? Ти си првата личност што не го препозна. Батурина му рече дека е прашање на општа култура да се знае кој е Модриќ“, рече Смолчиќ.

Моќната Франција сее страв кај ривалите пред СП

Златко Јуруковски
-
0
Моќната Франција сее страв кај ривалите пред СП

Франција лесно ја победи Колумбија со 3-1 во пријателски натпревар одигран вечерва во САД, и потврди дека има моќен тим кој ќе конкурира за титулата на претстојното Светско првенство.

Пред некој ден Французите прилично комотно го совладаа Бразил, а вечерва и со втор тим беа подобри од Колумбијците против кои водеа со 3-0, па се опуштија. Селекторот Дидие Дешан ги одмори ѕвездите Мбапе, Дембеле, Олисе, Чуамени, Рабио, Конате, Тео Ернандес, Мењан, некои од нив не ни влегоа во игра.

Дезире Дуе беше двоен стрелец, и тоа се негови први два гола во дресот на Триколорите. Гол даде и Маркус Турам.

Муриќи: Ако се пласираме на СП, тоа ќе биде како втора независност

Златко Јуруковски
-
0
Муриќи: Ако се пласираме на СП, тоа ќе биде како втора независност

Косовскиот напаѓач, Ведат Муриќи, ги спореди потенцијалниот пласман на неговиот тим на Светското првенство со независноста на неговата држава, а оваа негова изјава силно одекна во српската јавност која за Косово смета дека е нелегално отцепена јужна српска покраина и самопрогласена држава.

Муриќи пред финалето со Турција која смета за своја втора татковина бидејќи играјќи таму се вивна во европските височини, вели дека Турција е фаворит на тој меч во Приштина.

„Без сомнение, Турција е фаворит. Нашата предност е што играме дома. Тие имаат играчи како Кенан Јилдиз и Арда Ѓулер, кои играат за големи тимови. Тие се од голема вредност за турскиот фудбал, но и за европскиот и светскиот фудбал. Ќе го дадеме својот максимум и ќе се обидеме да ја имплементираме нашата игра како тим, со цел да ја постигнеме нашата цел. Ако успееме да се квалификуваме за Светското првенство, тоа ќе биде како втора независност за нас. Сите се многу возбудени и полни со надеж“, рече напаѓачот, а во Србија делот од изјавата околу независноста се карактеризира како срамна.

 

1...156157158...10.815Страна 157 од 10.815