На четирикратниот Формула 1 шампион, Макс Ферстапен, не му се допаѓа новата Формула 1, неговиот тим Ред Бул е заглавен во лоши резултати, Холанѓанецот е далеку од подиумот и ова го тера да размислува дури и за завршување на својата брилијантна кариера.

Холандскиот весник „Де Телеграф“ сензационално објавува дека Макс размислува за пензионирање по завршувањето на оваа сезона.

Самиот пилот проговори на таа тема.

„Среќен сум, но се работи за 22 трки, дали вреди? Може ли да се забавувам повеќе дома со моето семејство и пријатели кога не уживам во спортот? Можам да прифатам да завршам седми или осми затоа што знам дека не можеш постојано да доминираш или да се бориш за подиумот. Сум бил во таква ситуација и претходно, не само во Формула 1. Но, кога си седми или осми и не уживаш во типот на автомобил, не е така како што се чувствувам како возач. И доаѓа момент кога тоа не е она што сакам да го правам. Сакам да се забавувам, а во моментов не е така. Има работи што ми се допаѓаат. Ми се допаѓа да работам со тимот, тоа е моето второ семејство, но штом ќе седнам во автомобилот, веќе не е забавно. Се обидувам да уживам, но многу е тешко“, вели Холанѓанецот.

За Ферстапен постои интерес од Ферари и Мерцедес, тимови што може да си ја дозволат неговата плата од над 50 милиони евра по сезона, но прашање е дали уште има мотивација кај него.