Дома Blog Страница 89

Еден од најневеројатните погодоци дадени по промашен пенал (Видео)

Трајан Маневски
-
0
Еден од најневеројатните погодоци дадени по промашен пенал (Видео)

Екипата на Олимпија Асунсион со 2:0 победи на гости кај Рубио Ну во меч од 16 коло на првенството на Парагвај, а дуелот го одбележа еден од најчудните погодоци дадени по промашен пенал. Олимпија поведе со гол во 16 минтуа кога погоди Себастијан Фереира, а победата на гостите беше потврдена со погодок на почетокот од второто полувреме.

Беше досуден пенал за Олимпија Асунсион, а Фереира реши да го изведе пеналот. Голманот на домаќините го одбрани пеналот, а топката се одби до еден од играчите на Рубио Ну. Сакајќи да ја исфрли топката далеку од својот шеснаесетник, домашниот фудабер силно ја шутна топката, но таа заврши директно во лицето на Фереира кој го шутираше пеналот, а потоа заврши во мрежата на домашниот тим.

Со оваа победа Олимпија е лидер на табелата со 39 бодови, три повеќе од второпласираниот тим на Церо Портено, додека Рубио Ну ја продолжува очајната низа и загуби петти пат по ред, па остана на 15 освоени бодови и е на деветото место на табелата.

Гигантите од Англија „полудеа“ по фудбалерот на Селта

Никола Ѓуровски
-
0
Гигантите од Англија „полудеа“ по фудбалерот на Селта

Повеќе од половина клубови од Премиер лигата покажуваат интерес за дефанзивецот на Селта, Оскар Мингеза, истакнуваат медиумите во Англија. 26-годишниот шпански фудбалер станува слободен агент во летниот период, кога му истекува договорот со галискиот клуб.

Мингеза, кој може да игра како десен бек, но и во срцето на одбраната, се наоѓа на листите на желби на Ливерпул, Арсенал, Манчестер сити и Тотенхем. Дополнително, веќе подолго време го следат и Астон Вила, Евертон и Њукасл.

Во тековната сезона, Оскар Мингеза има 38 настапи во сите натпреварувања, со еден постигнат гол и шест асистенции.

Тој пристигна во Селта од Барселона во летото 2022 година.

Барселона е изненадена што Левандовски сериозно размислува и за понудата на Милан

Никола Ѓуровски
-
0
Барселона е изненадена што Левандовски сериозно размислува и за понудата на Милан

Барселона пред неколку дена официјално му достави понуда за нов договор на Роберт Левандовски, но во клубот очигледно не очекуваа дека ситуацијата ќе добие ваков пресврт.

Познато е дека полскиот напаѓач има договор со каталонскиот клуб до крајот на сезоната, а во повеќе наврати јавно истакнуваше дека сака да остане на „Камп Ноу“ и дека не размислува за трансфер во друг клуб.

Дури се појавија и шпекулации дека Левандовски би можел да ја заврши кариерата доколку не добие продолжување на соработката, бидејќи не е особено заинтересиран за нов почеток во друга средина, особено кога неговото семејство е добро прилагодено во Барселона.

Понудата од клубот е за уште една сезона, при што се очекува Левандовски да има помала улога и да биде опција од клупата во нападот.

Во Барселона биле убедени дека напаѓачот без двоумење ќе ја прифати понудата, но развојот на настаните ги изненадил.

Имено, се појавиле информации дека Левандовски паралелно води разговори и со други клубови, а еден од нив посебно се издвојува, тоа е Милан.

Италијанскиот гигант очајно бара класичен голгетер, а најголемото изненадување за Каталонците било тоа што Левандовски наводно лично стапил во контакт со Златан Ибрахимовиќ и се понудил на Росонерите.

„Газета дело Спорт“ пренесува дека Полјакот е подготвен за преселба во Милано, но дека Милан не може да ги исполни неговите финансиски барања. И покрај тоа, клубот останува силно заинтересиран и прави напори да постигне договор.

Во Барселона за ова дознале дури по официјалната понуда за продолжување на договорот, што дополнително ги изненадило челниците на клубот.

Де Ѕерби: Кај момците можеби постои страв од испаѓање, но сѐ ќе се смени после една победа

Никола Ѓуровски
-
0
Де Ѕерби: Кај момците можеби постои страв од испаѓање, но сѐ ќе се смени после една победа

Новиот менаџер на Тотенхем, Роберто Де Ѕерби, призна дека стравот од испаѓање може да претставува проблем за тимот, но и покрај поразот од 0-1 против Сандерленд во 32-то коло од Премиер лигата, тој останува оптимист.

Италијанецот го имаше својот прв натпревар на клупата на Тотенхем на „Стадионот на светлината“, а тимот влезе и го заврши натпреварот во зоната за испаѓање, откако Вест хем забележа очекувана победа над последнопласираниот Вулверхемптон.

Де Ѕерби не успеа да донесе промена на дебито, а Тотенхем доживеа уште еден удар во лошата сезона.

„Ако ме прашате мене, јас имам 46 години. Имам многу повеќе искуство од играчите и сум позитивен, апсолутно, затоа што ги познавам и како луѓе и како фудбалери. Затоа сум позитивен, не затоа што сме Тотенхем. Тие имаат доволно квалитет за да победат натпревар. Целта сега е да победиме еден натпревар, затоа што ако победиме, можеме да гледаме на сè поинаку“, изјави Де Ѕерби.

Тој додаде дека играчите страдаат поради ситуацијата, но дека мора да најдат енергија и правилен дух за да излезат од кризата.

„Не можеш да победиш на хартија, мора да победиш на терен, со квалитет и борба. Треба да дадеш гол и да не примиш. Но, тие се луѓе и страдаат, можеби и премногу. Мора да останеме заедно, да бидеме позитивни, да се подобриме во деталите и да работиме на менталитетот“, додаде тренерот на Тотенхем.

Ако не ја освои титулата, Артета нема да остане на клупата на Арсенал?

Никола Ѓуровски
-
0
Ако не ја освои титулата, Артета нема да остане на клупата на Арсенал?

По поразот на домашен терен од Борнмут, иднината на Микел Артета на клупата на Арсенал е доведена во сериозна неизвесност.

По загубеното финале на Карабао купот и елиминацијата од второлигаш во ФА купот, Артета остана само во трка за титулата во Премиер лигата и за трофејот во Лигата на шампионите.

Новиот кикс на Топчиите на домашен терен дополнително ја искомпликува ситуацијата, и тоа непосредно пред гостувањето на Арсенал на „Етихад“ кај Манчестер сити во недела.

Арсенал пред натпреварот со Борнмут имаше девет бодови предност, но и одиграно еден натпревар повеќе. Сепак, следуваше пораз на „Емирати“, а Манчестер сити со убедливи 0-3 славеше на гости кај Челзи.

Доколку Сити во недела го победи Арсенал, би се доближил на само три бода негатива, но и понатаму би имал натпревар помалку и можност бодовно да се израмни со лидерот.

Англиските медиуми одат дотаму што тврдат дека веќе постои подготвена замена за Артета доколку дојде до ваков расплет, а според шпанскиот „Мундо Депортиво“, управата на Арсенал го има избрано Сеск Фабрегас како идеален наследник.

Се наведува дека доколку Артета не успее да ја освои Премиер лигата или Лигата на шампионите, тој најверојатно нема да остане на клупата и следната сезона.

Челзи речиси три децении немал толку лоша низа во Премиер лигата

Никола Ѓуровски
-
0
Челзи речиси три децении немал толку лоша низа во Премиер лигата

Челзи се наоѓа во сериозна резултатска криза, а убедливиот пораз од 0-3 на домашен терен од Манчестер сити само ја потврди лошата форма на тимот. Со овој резултат Сините од Лондон израмнија негативна серија што не е видена од 1998 година, откако по третпат едноподруго во Премиер лигата останаа без постигнат гол.

Иако во првото полувреме на „Стемфорд Бриџ“ се обидуваа да парираат, избраниците на Лијам Розениор целосно попуштија во продолжението, дозволувајќи му на Манчестер сити да доминира. Ова беше трет последовен првенствен пораз, по неуспесите против Њукасл и Евертон, а неефикасноста повторно ги отвори старите проблеми во нападот.

За да се најде ваква црна серија, мора да се врати времето речиси три децении наназад. Тогаш Челзи редум губеше од Арсенал (0-2), Лестер (0-2) и Манчестер јунајтед (0-1), без освоен бод и без ниту еден постигнат погодок во три натпревари по ред.

Четири Бет билдер опции за нови добивки (Фото)

Никола Ѓуровски
-
0
Четири Бет билдер опции за нови добивки (Фото)

Понеделник е наменет за доигрување на натпреварите во Топ 5 лигите од викендот што измина, а вечерва има интересни дуели во Премиер лигата и во Серија А.

Манчестер јунајтед го пречекува Лидс јунајтед на „Олд Трафорд“, а Фиорентина и Лацио ќе ги одмерат силите на Апенините.

За овие мечеви, се разбира, во Sport Life има и Бет билдер понуда. Четири опции, но секоја од нив е шанса за нова добивка.

Во трката за титулата во Премиер лигата би можела да решава и гол-разликата!

Никола Ѓуровски
-
0
Во трката за титулата во Премиер лигата би можела да решава и гол-разликата!

Фудбалерите на Арсенал и Манчестер сити, по сè изгледа, продолжуваат уште една антологиска трка за титулата во Премиер лигата.

Изминатиов викенд Арсенал загуби дома од Борнмут, додека Сити како гостин го декласира Челзи, па разликата сега е шест бодови, но Граѓаните имаат и натпревар помалку, а во следното коло ги пречекуваат Топчиите.


Математички гледано, ако Сити го победи Арсенал и го добие и заостанатиот натпревар против Кристал Палас на домашен терен, двата тима би имале ист број бодови.

Секако, ако тоа се случи и остане така до крај, шампионот би можел да се одлучува дури и според гол-разликата, која моментално е на страната на Арсенал. Тимот на Артета има гол-разлика +38, а тимот на Гвардиола +35. Сепак, делува навистина тешко да се случи такво сценарио, бидејќи и двата тима имаат уште многу „мини“ до крајот на сезоната.

Треба да се истакне дека Сити има и обврски во ФА купот, на 25 април се среќава со Саутемптон во полуфиналето, додека Арсенал најверојатно ќе продолжи во Лигата на шампионите доколку ја сочува предноста над Спортинг, а потоа во полуфинале би играл против Атлетико Мадрид или Барселона.

Инаку, Манчестер сити математички може да го стигне Арсенал за само девет дена, доколку го победи во недела од 17:30, бидејќи веднаш потоа, наредната среда, гостува кај Барнли, а нивниот натпревар е поместен порано поради споменатиот ФА куп.

До крајот не очекува жестока битка, а првото големо финале е закажано веќе за недела, кога Пеп и Артета повторно ќе ги одмерат силите, помалку од еден месец по финалето од Лига купот во кое славеше Сити.

Кој ќе ја освои титулата во Премиер лигата?

Распоред до самиот крај:

33 коло:

Манчестер Сити – Арсенал

34 коло:

Арсенал – Њукасл
Барнли – Манчестер Сити

35 коло:

Арсенал – Фулам
Евертон – Манчестер Сити

36 коло:

Вест Хем – Арсенал
Манчестер Сити – Брентфорд
Манчестер Сити – Кристал Палас (заостанат натпревар)

37 коло:

Арсенал – Барнли
Борнмут – Манчестер Сити

38 коло:

Кристал Палас – Арсенал
Манчестер Сити – Астон Вила

Струга ТЛ е умерен фаворит против Тиквеш (Фото)

Никола Ѓуровски
-
0
Струга ТЛ е умерен фаворит против Тиквеш (Фото)

Поради големиот христијански празник Велигден вчера немаше натпревари, но денеска продолжува 27-то коло од Првата фудбалска лига со нови два меча. Во Тетово, Шкендија го пречекува Шкупи и таму поради ситуацијата во тимот од Чаир се чини дека победникот однапред е познат.

Понеизвесно ќе биде во Струга, каде домашниот состав на Струга Трим Лум ќе го пречека Тиквеш. Според квотите, стружани се умерени фаворити, но и Тиквеш не е без шанси за да направи изненадување.

Младиот и талентиран фудбалер на Струга ТЛ, Флоријан Рочи, кој беше еден од стрелците на последниот натпревар против Шкупи, вели дека тимот се наоѓа во добра форма.

„Ова е многу важен натпревар за нас, особено затоа што играме пред домашна публика. Верувам дека со максимална посветеност и нивна поддршка можеме да стигнеме до нова победа. Тимот се наоѓа во добра форма и мислам дека тоа ќе го покажеме на денешниот дуел со Тиквеш“, истакна Рочи, кој верува во себе и ветува уште поголем придонес за тимот секогаш кога ќе добие шанса.

Ракометарките ќе играат на Европско првенство, успех или…?

Златко Јуруковски
-
0
Ракометарките ќе играат на Европско првенство, успех или…?

Женската ракометна репрезентација на Македонија во декември ќе игра на Европско првенство и на девојките треба да им се честита за пласманот меѓу 24-те најдобри во Европа.

Македонија и во женска конкуренција фаќа континуитет на европските првенства, ова е трето по ред на кое ќе бидеме учесници. Важно е да се учествува, макар и да се загубат сите мечеви таму, нешто што се чини дека е реалност.

Откако девојките прославија ново учество на ЕП, по социјалните мрежи има (не)очекувано многу негативни реакции. Оправдани или не, ги има.

Се напаѓаат селекторот, ракометарките, се поставуваат прашања дали треба да играме на Европско како туристи, дали заслужуваме ЕП со оглед на поразите во квалификациите.

Само една победа над Белгија и нешто потесни порази во однос на некои третопласирани селекции, ни беа доволни да се најдеме на континенталниот собир. Такви се правилата, чесно се пласиравме на завршницата. Се чини дека и очекувањата на јавноста секогаш се преголеми, слично како кај мажите кои истотака немаат големи успеси на ЕП последните години, но секогаш се таму и имаат поддршка од Фалангата.

Ждрепката е наскоро, Македонија со кого и да падне ќе биде аутсајдер, и веројатно пак ќе биде собирање искуство, и борба за што потесни порази. За да не биде така, потребно ќе биде сите најдобри ракометарки што ги има Македонија да бидат повикани во тимот, и да се направат соодветни подготовки.

Што се однесува до она што ја интересираше фудбалската јавност во светот, викендов почна да станува јасно дека Барселона ќе биде првак во Шпанија, а Интер во Италија, а во англиската Премиер лига допрва ќе има борба за титулата, особено ако во претстојниот викенд Манчестер сити го победи Арсенал. На Топчиите може да им биде џабе што цело време водат, на моменти и со огромна предност, ако на крај продолжат да пропуштаат под притисок кога сите имаат големи очекувања од нив, и го зацврстат статусот на „вечно втори“.

1...888990...10.801Страна 89 од 10.801