Без наслов - Страница 9533

Нејмар и Мбапе подготвени за голови против Ливерпул

Трајан Маневски

-

28.11.2018

Нејмар и Мбапе подготвени за голови против Ливерпул

ПСЖ – ЛИВЕРПУЛ (21 Ч.)

Пред почетокот на сезоната во Лигата на шампионите, Пари Сен Жермен беше најавуван како еден од главните фаворити за титулата. Сега, во пресрет на петтото коло, фрнцускиот првак е во ситуација да не смее да загуби на свој терен бидејќи на тој начин би можело да биде елиминиран уште во групата фаза.

На „Паркот на принцовите“ гостува Ливерпул. Килијан Мбапе и Нејмар закрепнаа од повредите здобиени за време на репрезентативните дуели и сега се подготвени да ги израдуваат домашните фанови. Првиот меч на „Енфилд роуд“ изобилуваше со возбудувања и голови, а на крајот англискиот тим победи со 3-2.

ПСЖ досега има 18 меча против екипи од Англија со биланс од четири победи, осум ремија и шест порази. Ливерпул против француските клубови има позитивен биланс од 17 победи, три ремија и девет порази. Фактот дека двете екипи негуваат офанзивен фудбал, најавува дека повторно ќе има отворена игра, без многу калкулации.

Предлог тип 1Х&ГГ (2.10)

ТОТЕНХЕМ – ИНТЕР (21 Ч.)

Директен дуел на две екипи кои се во трка за место во осминафиналето. Барселона е сигурна во оваа група, а Интер и Тотенхем се борат за презимување во елитата. Притисокот е на страната на домаќините. Лондонскиот тим мора да брка победа за да остане во трка за второто место во групата. Интер има три бода предност на табелата и со евентуално реми, ќе остане со таа предност, но ќе има подобар биланс во меѓусебните дуели со Тотенхем и веќе сè ќе биде познато.

Токму затоа Тотенхем нема што да калкулира и уште од првата минута ќе треба да нападне. Тоа, секако, е шанса за гостите кои знаат како да казнат од контранапади.

Предлог тип: ГГ3+ (2.00)

НАПОЛИ – ЦРВЕНА ЅВЕЗДА (21 Ч.)

Ако постои изненадување во ЛШ оваа сезона, тоа сигурно е Црвена ѕвезда. Српскиот првак покажа дека може да оди од крајност во крајност. На свој терен го задржа Наполи на 0-0, а потоа со 2-0 го победи Ливерпул, но затоа на двете гостувања кои ги имаше прими вкупно 10 гола.

Наполи почувствува дека не смее да го потцени овој ривал и затоа сега на свој терен сигурно ќе оди многу посериозно за да стигне до трите бода. Без разлика колку и да звучи чудно, Ѕвезда и во „групата на смртта“ уште има шанси за првите две места. Кај гостите неизвесен е херојот од минатото коло, Милан Павков, кој ги даде двата гола против Ливерпул, но Ѕвезда покажа дека на секој ривал може да му даде барем еден гол, па зошто и мрежата на Наполи да не се тресе.

Предлог тип Т2 1+ (2.50)

ПСВ АЈНДХОВЕН – БАРСЕЛОНА (21 Ч.)

Барселона има еден од најопасните напади, а ПСВ една од најслабите одбрани во ЛШ сезонава. На дуелот на „Камп ноу“, Каталонците победија со 4-0, а и сега се очекува отворена игра со погодоци. ПСВ во домашното првенство има 13 победи во 13 меча со неверојатна гол-разлика од плус 41, а во ЛШ е со четири порази од четири меча.

Предлог тип: 2&3+(2.05)

БОРУСИЈА Д. – БРИЖ (21 Ч.)

Борусија игра феноменално сезонава. Тимот е лидер и во групата од ЛШ и во германското првенство. За да бидат мирни во последното коло, „милионерите“ едноставно не смеат да си дозволат пораз од Бриж во Дортмунд. Тоа е речиси и невозможно, ако се знае дека квалитетот е на страната на домаќините. Борусија на гости победи со 1-0.

Ова би требало да е меч без многу калкулации, па затоа и очекуваме погодоци во двете полувремиња.

Предлог тип 1-3 I& 1-3 II (1.74)

Врањеш пак си прави проблеми – За „Добре дојдовте во пеколот“ бараат да си оди од Андерлехт

-

28.11.2018

0

Огњен Врањеш е цел на белгиската фудбалска јавност по една непромислена објава на својот профил на „Твитер“, а од Андерлехт, каде што моментно настапува стоперот на босанската репрезентација, се бара да му врачи отказ.

„Добре дојдовте во пеколот“ напиша Врањеш, со фотографија од дивеењето на хулиганите на АЕК на трибините за време на вчерашниот меч против Ајакс.

По бурните реакции, Врањеш го избришал постот, но гневот на јавноста во Белгија не стивнува.

„Ајде што е лош стопер, ама изгледа дека Врањеш е и лош човек. Дајте му отказ“, е еден од многуте негативни коментари за потегот на играчот на Андерлехт.

Врањеш има настапувано за АЕК, но реакцијата испадна контрапродуктивна за него. И претходно, додека играше во БиХ, стоперот имаше многу проблеми.

Тетоважата на раката со границите на Република Српска го навлече гневот на симпатизерите на репрезентацијата на БиХ, кои не го сакаа во составот на националниот тим, а Врањеш има уште една контроверзна тетоважа со четнички војвода од Втората светска војна.

„Халелуја“ преработена во „Халелука“ во чест на Лука Дончиќ (Видео)

Златко Јуруковски

-

28.11.2018

0

Продукциската компанија „Рингер рекордс“ објави нова песна со наслов „Халелука“, која претставува ода за словенечкиот кошаркар Лука Дончиќ. Всушност, претставува своевидна пародија на славната песна „Халелуја“ од Леонард Коен. Музиката е иста, но текстот е изменет, а во насловот е вметнато името на кошаркарот на Далас маверикс.

Во песната се говори за важноста на играта на Дончиќ за неговиот тим, дека и Дирк Новицки му аплаудира, а текстописецот Џејсон Галагер се шегува со Сакраменто кингс, кој на драфтот го избра Марвин Бегли пред Дончиќ, што барем во дебитантската сезона се покажува како голема грешка.

Лука е главен кандидат за дебитант на сезоната, а слушнете ја пресната посветена на Лука:

https://twitter.com/twitter/statuses/1067418012712615936

Спортска прогноза: Предизвик е да се погоди победникот на истанбулско дерби

Трајан Маневски

-

28.11.2018

0

Кога има меч меѓу две екипи чиј ривалитет е речиси еден век, тогаш повеќе од јасно е дека сите три знаци за конечен тип се во игра. Уште кога се работи за турско дерби, тогаш предизвикот да се погоди победникот е уште поголем. Бешикташ ќе биде домаќин на Галатасарај во 344-тиот дуел на овие ривали. Вкупниот биланс е во корист на Галатасарај (121 победи), Бешикташ се радувал на 109 меча, а 113 средби завршиле нерешено.

За тоа колку е неизвесно, покажуваат последните 10 дуели. Двата тима се радувале по четири пати, а два меча завршиле без победник. Интересно е што двата гиганти имаат пролично заостанување зад лидерот во турското првенство, Башакшехир. Галатасарај е во минус од шест бода, а Бешикташ заостанува дури девет бодови. Тоа е уште еден знак повеќе дека нема да има калкулации и дека ќе се брка освојување на трите бода.

Сѐ уште ја чекаме првата 12-ка, која носи и освојување на мобилен телефон „самсунг А6“. Дали токму овој викенд ќе имаме перфектен прогнозер, останува да чекаме до понеделник. Секако, ќе има и вредносни ваучери за сите кои до крајот на викендот ќе погодат 11, 10 или 9 парови на СПОРТСКА ПРОГНОЗА.

По успешната прогноза ќе ви се прикажат вашите типувања. Сите прогнози за тековното коло, вклучувајќи ја и вашата, можете да ги погледнете тука.

Со 100 денари „улови“ речиси 14.000 евра

Трајан Маневски

-

28.11.2018

0

Две уплати во главниот град Скопје синоќа донесоа неверојатни добивки. Играч кој уплатил во Чаир, 100 вложени денари, успеал да добие дури 850.000 денари. Само четири натпревари му биле доволни за ваква неверојатна добивка. Се работи за мечеви од англиските пониски лиги, а играта е дека на сите четири до полувреме ќе има три погодоци, а до крајот на мечот, односно во текот на 90 минути двете екипи да дадат барем по еден гол. Ливчето е добитно уште по завршување на првите 45 минути.

Првиот меч меѓу Оксфорд и Рочдејл бил погоден уште по првите 30 минути, кога домаќините водеа со 2-1. Интересно е што и на останатите три погодени дуели домаќините на полувреме имале предност од 2-1. Тоа е и еден од посакуваните резултати за ливчето да биде добитно.

НЕВЕРОЈАТНАТА УТКА НА РОМА И ПОГОДОКОТ НА ФЕЛАИНИ ДОНЕСОА НАД 90.000 ДЕНАРИ

Второто одлично прогнозирано ливче е на уплатното место во Сити Мол на Sport Life. Се работи за пет меча од Лигата на шампионите погодени со фиксовите на полувреме и на крај. Играчот имал многу среќа, посебно на средбите Рома – Реал Мадрид и Манчестер јунајтед – Јанг бојс.

Типот е дека на „Олимпико“ ќе биде нерешено на полувреме, а Рома во 45-тата минута испушти неверојатна шанса кога Ундер Џенгиз не погоди празен гол од 5 метри. Во вториот дел Реал успеа да постигне два гола и да победи.

Манчестер мораше да победи за да биде сигурен во нокаут-фазата, а „црвените ѓаволи“ дадоа гол во 91-вата минута, кога Фелаини со помош на раката си намести ситуација во која го матираше противничкиот голман.

Ел Тигре пристигна дома, ќе грми од емоции на „Ванда Метрополитано“

Зоран Поповски

-

28.11.2018

0

Ел Тигре пристигна во Мадрид, а вечерва сигурно ќе биде поздравен со громогласни аплаузи од навивачите на Атлетико, иако ќе им биде противник со Монако во меч од Лигата на шампионите.

Радамел Фалкао ќе биде главна закана за голот на домаќините, а и да ја затресе мрежата на Јан Облак, домашните симпатизери нема да се лутат.

„Пристигна Ел Тигре. Тој е вечно во нашите срца и ќе биде поздравен како еден од хероите на Атлетико Мадрид“, велат симпатизерите на популарните „јорганџии“.

Фалкао играше две сезони во Атлетико Мадрид и остави траен печат во клубот. На 68 меча постигна неверојатни 52 гола, а имаше неколку импресивни фудбалски достигнувања.

Веднаш во првата сезона, 2011/12, Колумбиецот со прекрасни игри и голови ги освои срцата на симпатизерите на Атлетико. Беше прв стрелец на тимот во Лигата на Европа и имаше огромен придонес во освојувањето на трофејот во финалето во Букурешт против Атлетик Билбао.

Речиси на секој меч во европското натпреварување постигнуваше најмалку по еден гол, а во финалето двапати беше стрелец за победа од 3-0 и помогна да се освои пехарот на УЕФА. Стана првиот фудбалер во историјата што успеал во две сезони по ред да биде победник со два различни клуба во Лигата на Европа (Порто и Атлетико Мадрид).

Пристигна како најскап играч во историјата на Атлетико Мадрид од Порто за сума од околу 50 милиони евра, вклучувајќи ги и бонусите и како што велат во клубот, вредеше за сите пари.

Во август 2012 година постигна хет-трик против Челзи во Суперкупот на УЕФА за триумф на Атлетико од 4-1 и стана првиот играч со три гола во дуелите на европскиот првак против освојувачот на Лигата на Европа во новиот формат што се игра и сега.

„Ќе има многу емоции вечерва. По долго време се враќам во Мадрид и се радувам на средбата со сите пријатели што ги имам во Атлетико. Верувам дека на терен ќе бидеме поуспешни и дека Монако ќе победи“, изјави Фалкао.

Играч што ќе биде во фокусот на вниманието вечерва на „Ванда Метрополитано“ од 18.55 часот.

Роналдо сруши нов рекорд во Лигата на шампиони

Трајан Маневски

-

28.11.2018

0

Кристијано Роналдо летоска го смени тимот, но ги задржа старите навики да победува. И како играч на Јувентус, на Роналдо му оди одлично во Лигата на шампиони. Италијанскиот првак синоќа минимално, со 1-0 ја победи Валенсија и на тој начин си обезбеди место во нокаут-фазата.

Марио Манџукиќ го даде единствениот погодок на асистенција на Роналдо. Иако Португалецот не се запиша во листата на стрелците, тој се запиша со уште еден нов рекорд во Лигата на шампиони. Роналдо стана првиот фудбалер кој успеал да стигне до 100 победи во елитното натпреварување на УЕФА.

Роналдо може да се пофали дека сам има повеќе победи од дури 136 клубови кои биле дел од групната фаза во ЛШ. Освен што е рекордер по бројот на победи, тој има и најмногу голови постигнато досега, вкупно 121 погодок. Зад него е Лионел Меси со 105 голови, а сите останати се далеку зад нив.

Се дозна кој е освојувач на Златната топка за 2018 година

Трајан Маневски

-

28.11.2018

0

Лука Модриќ ќе ја освои и Златната топка, која традиционално секоја година ја доделува „Франс Фудбал“ на најдобриот фудбалер во светот. Иако официјалниот избор ќе биде на трети декември во Париз, протече информација дека победникот веќе е познат.

Хрватот во дресот на Реал Мадрид освоил најмногу поени, пред Кристијано Роналдо и Антоан Гриезман. Модриќ имаше одлична година како на клупско така и на репрезентативно ниво. Со Реал Мадрид ја одбрани титулата во Лигата на шампиони, а со Хрватска стигна до сребрениот медал на Светското првенство во Русија. Модриќ оваа година досега ги собра сите најважни индивидуални награди. Беше прогласен за најдобар играч во изборот на УЕФА, а потоа го доби истото признание и во изборот на ФИФА.

Роналдо, кој ќе заврши како втор во изборот на „Франс Фудбал“, најавил дека нема да присуствува на церемонијата.

Шкендија полага за осумка, тестот е против Академците на Пандев

Зоран Поповски

-

28.11.2018

0

Шкендија игра одлично и без најдобриот стрелец Бесарт Ибраими и денеска, од 13 часот, ќе игра дома против Академија Пандев за осма победа во низа.

Тетовци од почетокот на октомври имаат само еден пораз, но и тој не е во првенствен меч од нашата најсилна лига, туку во првиот полуфинален меч во националниот куп од Победа.

Импресивната серија од 7 победи, актуелниот шампион ја почна против Вардар на 21-ви октомври и оттогаш ги надигра и останатите 6 ривали против кои играше. И денеска се фаворити против Академците на Пандев, екипа која им задава маки во меѓусебните дуели. Последните два завршија нерешено, а Шкендија има една победа повеќе.

Второто дерби од 17-тото коло е меѓу Вардар и Победа во Скопје, а играат старите ривали со многу меѓусебни дуели, и тоа интересни.

Најтрофејниот македонски клуб е фаворит, во минатото коло ја прекина серијата од 3 меча без победа, а има одличен скор против Победа, кога прилепчани гостуваат во Скопје. Последните 3 меча ги доби Вардар, и тоа со одлична гол-разлика од 11:0.

Двојки, 17-то коло, денеска од 13 часот:

Шкендија – Академија Пандев

Вардар – Победа

Шкупи – Ренова

Македонија Ѓ.П. – Силекс

Беласица – Работнички

Табела: Шкендија 37, Вардар 31, Академија Пандев 26, Работнички 23, Ренова 20, Шкупи 19, Победа, Македонија Ѓ.П и Беласица по 17, Силекс 14.

На кого што му треба за вечерва да се радува на осминафинале во ЛШ

Трајан Маневски

-

28.11.2018

0

Барселона беше единствената екипа која по четири кола обезбеди место во осминафналето. Од синоќа, со сигурно место во нокаут-фазата се уште седум клубови. Манчестер јунајтед, Манчестер сити, Рома, Јувентус, Баерн Минхен, Ајакс и Реал Мадрид се радуваа на место меѓу најдобрите 16. Вечерва уште седум места може да бидат пополнети, доколку се поклопат резултатите.

Во групата А, Борусија Дортмунд и Атлетико Мадрид имаат „меч топки“ пред своите навивачи. „Милионерите“ не смее да си дозволат кикс против Бриж, додека Атлетико во Мадрид треба рутински да го победи Монако, кој нема никакви шанси. Единствено може да не се знае кој тим ќе биде прв, а кој втор на крајот. Моментно на табелата Борусија и Атлетико се со 9 бода, Бриж има 4, а Монако само еден бод.

Барселона ја реши едната загатка во групата Б, а за второто место може да се води битка до последната секунда. Интер има седум бода, но гостува во Лондон кај Тотенхем, кој е трет со четири бода. Доколку Тотенхем победи, ситуацијата ќе биде многу неизвесна до самиот крај. Но, ако Интер издржи да не загуби, англискиот тим ги губи сите надежи за второто место.

Најнеизвесна е групата Ц. Ливерпул и Наполи се со по 6 бода, ПСЖ има 5, а аутсајдерот Црвена ѕвезда се држи на 4 бода. Тука математиката е Наполи и Ливерпул да победат за да има две сигурни екипи. Сепак, тоа е тешко остварливо, ако се знае дека Ливерпул во дербито на колото гостува кај ПСЖ во Париз. Наполи ќе има полесна задача бидејќи во Неапол го пречекува српскиот шампион.

Порто и Шалке вечерва, по меѓусебниот дуел може двете екипи да се радуваат. Порто е домаќин, но и многу посигурен на табелата. Португалскиот гигант има 10 бода, Шалке е со осум, а Галатасарај чека од „сенка“ со четири бода. Доколку Галатасарај загуби на гости кај Локомотив Москва, тогаш не е важно како ќе заврши мечот на „Драгао“ во Порто. Турскиот тим и со реми нема многу да направи, бидејќи и така ќе биде елиминиран, што значи дека Галатасарај мора да победи на гости, ако сака да им ги замрси работите на првите две на табелата.

По синоќешните дуели во Сегментот од Е до Х групите, јасно е дека Шахтер и Олимпик Лион во меѓусебна пресметка ќе решат кој оди понатаму.