19.8 C
Skopje
вторник, 5 август 2025
Дома Blog Страница 9555

Имаат славни презимиња и носат бодови – Шиндлер и Иглесијас најзаслужни за победите на Хадерсфилд и Еспањол

Стоперот на Хадерсфилд, Кристофер Шиндлер, е најзаслужен за првата победа на својот тим во новата сезона во Премиер лигата, а еден гол на Борха Иглесијас беше доволен за триумф на Еспањол против Атлетик Билбао.

Териерс славеа со автоголот на Тимоти Фосу Менсах против Фулам откако Шиндлер биеше со глава кон голот на гостите. Фосу Менсах несмасно реагираше и го закова својот тим на дното на табелата само со пет бодови. Толку има и Кардиф по 11 кола, а Хадерсфилд со првата победа им побегна за еден бод.

Во Ла Лига, Иглесијас со прецизен удар во 41-вата минута му донесе нова победа на Еспањол, вечерва со 1-0 против Атлетик Билбао. И се погрижи за интересен изглед на табелата во Шпанија, каде што по 11 рунди, каталонскиот тандем е на првите две позиции.

Барселона е лидер со 24 бодови, пред Еспањол со 21 бод.

На Монако му фали главната карактеристика на Тјери Анри

Тјери Анри беше еден од најексплозивните играчи во својата ера, брз, динамичен, расен стрелец и дриблер, а пред дуелот на неговиот Монако против Бриж во Лигата на шампионите бара повеќе енергичност од неговите играчи.

Утре Анри ќе дебитира како тренер на Монако пред домашната публика во европските купови, а клубот од Кнежевството мора да го победи Бриж ако сака да се надева на пласман во нокаут-фазата.

„Се надевам дека ќе бидеме поенергични против Бриж и дека со победа ќе успееме да ја промениме динамиката. Бодовите се важни, а победата ќе ни донесе повеќе самодоверба“, вели легендата на клупата на Монако.

Анри успеа со Монако да освои еден бод во Бриж, со реми 1-1, а утре ќе ѝ се претстави на публиката на „Луј Втори“ во своето деби како тренер на клубот.

Мечот ќе се игра од 18.55 часот.

 

 

На Ѓоковиќ му падна групата „Киртен“, Федерер замина кај „Хјуит“

Најдоброрангираниот светски тенисер Новак Ѓоковиќ ќе ја предводи групата „Гуга Киртен“, во која се и Александр Зверев, Марин Чилиќ и Џон Иснер на завршниот тениски турнир, АТП Мастерсот во Лондон.

Во втората група, именувана како „Лејтон Хјуит“, топ носител е Роже Федерер во конкуренција на Кеј Нишикори, Кевин Андерсон и Доминик Тим.

Турнирот ќе се игра во „ Арената О2“ во Лондон од 11-ти до 18-ти ноември, а двајцата најдобри од двете групи ќе се вкрстат во полуфиналето.

На турнирот ќе ги нема Рафаел Надал и Хуан Мартин дел Потро поради повреди.

Овелар си го оствари сонот, му даде гол на вечниот ривал, па замина на училиште

Суперкласико на Парагвај меѓу Серо Портењо и Олимпија заврши нерешено 2-2, а мечот на вечните ривали го одбележа 14-годишниот Фернандо Овелар.

Момчето кое сè уште оди во училиште доби шанса да игра за Серо и си го оствари големиот сон. Беше стрелец на првиот гол за својот тим и стана најмладиот стрелец во историјата на фудбалот во Парагвај.

Интересно е што стрелецот на последниот погодок на мечот, Нестор Камачо, има 31 година и е речиси двојно постар од јунакот на дербито.

Ова беше и прв меч за Овелар во сениорска конкуренција, а со него на 14 години деби и гол има и Феди Аду, момче кое беше голем талент на американскиот фудбал.

Убедливо најмлад фудбалер што играл за сениорски тим во домашно првенство е Маурисио Балдивиесо, кој дебитираше во боливискиот шампионат само на 12 години.

На Гатузо пак му кројат капа – Венгер ќе биде новиот тренер на Милан

Арсен Венгер е во преговори со сопствениците на Милан за да го преземе кормилото на клубот од почетокот на 2019 година, а Џенаро Гатузо повторно е во незавидна позиција.

Иако некако успеа да го стабилизира тимот и има три победи по ред, во тек се преговори меѓу претставниците на Фондацијата Елиот и Венгер за промени во стручниот штаб.

Гатузо и претходно беше на работ на отказ, но успеа да опстане, а сега повторно му кројат капа, како што се тврди од сигурни извори.

Венгер беше еден од најдолговечните тренери, го предводеше Арсенал цели 22 години, од 1996 до 2018 година.

Андреацоли нанижа 11 меча без победа и доби отказ во Емполи

Аурелит Андреацоли доби отказ во Емполи, клубот кој нанижа долга серија од 11 натпревари без победа. По катастрофата против Наполи од 1-5, раководството на клубот од Реџо Емилија му врачи отказ на тренерот.

Емполи последен пат забележа победа во август, против Калјари, и тоа е единствениот триумф во 11 кола во Серија А.

Сè уште не е објавено кој ќе го замени Андреацоли на клупата на Емполи.

И буквално гори Буенос Аирес пред Суперкласико (Фото)

Жешка е атмосферата во Буенос Аирес пред двомечот меѓу Бока јуниорс и Ривер плате, а и буквално гори во главниот град на Аргентина.

Навивачите на двете екипи не мируваат, а ситуацијата ескалираше со палење куќи на двете страни. Полицијата има многу работа да ги смири страстите пред историското финале во Копа Либертадорес.

За првпат во историјата на јужноамерканската верзија на Лигата на шампионите за титула ќе играат најголемите ривали од Аргентина, а дуелите ќе се играат на 10-ти и на 24-ти ноември.

Популарното Суперкласико го рангираат како најголемо светско дерби, а честопати има и сериозни инциденти на дуелите меѓу Бока и Ривер.

Гибралтар сонува нов подвиг – Рибас подготви поширок список за Ерменија и Македонија

Гибралтар го тресе фудбалска грозница по историските победи против Ерменија и Лихтенштајн, први во официјални мечеви, а сега почнува подготовки за последните два меча во четвртата група од Сегментот Д.

Селекторот Хулио Рибас објави поширок список од 27-мина фудбалери за двата последни мечеви со Ерменија дома, на 16-ти ноември, и против Македонија во Скопје, три дена подоцна.

Голмани: Кајл Голдвин, Мет Кафер, Дејл Колинг.

Одбрана: Џозеф Чиполина, Рој Чиполина, Луј Енисли, Ерин Барнет, Итан Брито, Жан Карлос Гарсија, Итан Џоли, Ајмен Мјуели, Џејс Оливеиро, Џојс Оливеро, Џек Сарџент.

Среден ред: Скот Балантин, Ентони Бардон, Ендрју Ернандес, Ентони Ернандес, Мајкл Негрит, Алајн Понс, Кевањ Роба, Грем Ториља, Лијам Вокер.

Напад: Тјај Де Бар, Ли Касјаро, Џејми Кумбис, Адам Пристли, Рис Стич.

 

Лихтенштајн мора да се победи – Ангеловски нареди собир во Вадуц на 11-ти ноември

Селекторот Игор Ангеловски и неговите избраници ќе патуваат порано од очекуваното за Лихтенштајн, на 11-ти ноември, со цел да се прилагодат на условите за клучниот дуел во нашата група во Лигата на нациите.

Мечот на кој не смееме да загубиме за да го потврдиме првото место во групата ќе се игра во Вадуц на 16-ти ноември, од 20.45 часот.

Репрезентативците ќе патуваат пет дена порано, што не е редовна пракса, но ништо не се препушта на случајот. На Македонија ѝ требаат реми или победа во Вадуц за спокојно да го чека последниот меч во четвртата група од Сегментот Д против Гибралтар закажан за 19-ти ноември.

Првото место во групата гарантира полуфинале во Сегментот Д со некоја од останатите три репрезентации кои се победници во своите групи. На Европското првенство ќе патува само шампионот на Сегментот Д.

 

Фудбалерот во Бразил го убиле бидејќи спиел со туѓа жена

Бразилскиот фудбалер Даниел Кореа пред 10-тина дена беше најден мртов, и тоа искасапен по целото тело и со пресечени гениталии. Многумина се чудеа кој се решил да го убие овој 24-годишен играч на Сао Пауло, и тоа на така брутален начин.

Причината за убиството сега е јасна. Кореа спиел со туѓа жена, а на негова несреќа, тоа го дознал и мажот кој бил изневерен. Едсон Бритес (38) е бизнисменот кој го убил Кореа откако дознал дека фудбалерот спие со неговата жена. Самиот Бритес признал дека го извршил убиството, и тоа во „момент на лудило“. Бизнисменот вели дека фудбалерот сакал да ја силува неговата жена и дека тоа е причината поради која го убил.

Сепак, фотографиите кои се појавија покажуваат дека Кореа не сакал да ја силува мажената жена туку дека имал љубовна врска со неа. Фудбалерот се фалел и на своите другари, а на една од фотографиите кои им ги испратил напишал „Овде може и да спијам. Има неколку жени кои се по собите во целата куќа. Јас сум со мајката на девојката која слави роденден, а и таткото е во куќата“.

За несреќа на Кореа, неговата афера многу брзо била откриена, а изневерениот сопруг во својата ќука го убил фудбалерот, а подоцна го фрлил покрај еден напуштен пат. Се покажало дека пораките и фотографиите со кои Кореа се фали за своите љубовни потфати дека се и последните што ги испратил.