Партнерот на Пандев во нападот, прва зимска цел на Челзи

Голгетерот на Џенова, Кжиштоф Пјонтек, моментално е еден од најбараните играчи во Европа. Младиот Полјак сензационално ја започна кариерата во тимот каде што настапува и нашиот Горан Пандев, постигна осум гола на седум средби и ја предводи листата на стрелци, па сега пред вратата на Џенова чукаат неколку европски гиганти.

Италијанските медиуми известуваат дека Челзи моментално е најголем кандидат за потписот на Пјонтек. Маурисио Сари сака веќе во јануари да го види Полјакот во синиот дрес, откако неговите сегашни два избори за во нападот, Оливие Жиру и Алваро Мората, не ги задоволуваат неговите критериуми.

Се проценува дека Џенова ќе прифати сума од 35 до 40 милиони евра, но за услугите на дваесет и тригодишниот напаѓач Челзи ќе има пеколна конкуренција од Јувентус, Барселона, Борусија Дортмунд, Ливерпул, Манчестер јунајтед, Тотенхем, Евертон, Вулверхемптон и Лестер.

ПОВРЗАНИ ВЕСТИ

- Оглас -

Најнови вести