Пеколниот трилинг напаѓачи на Пари Сен Жермен во состав Килијан Мбапе, Лионел Меси и Нејмар е немилосрден во Франција и таму уште по три кола е јасно дека немаат конкуренција.
Двапати во првите две кола на ривалите им даваа по пет гола, а вечерва го декласираа Лил со 7:1.
Иако имаше многу шпекулации дека не се сакаат меѓу себе, особено Мбапе и Нејмар, на теренот немаат никакви проблеми и веќе имаат страшни бројки заедно со Меси.
Тројцата се на врвот на листата со најдобри стрелци, а заедно постигнаа 12 гола и имаат 8 асистенции.
Нејмар е на врвот во двете категории со пет гола и шест асистенции, а вечерва против Лил постигна два гола и имаше три асистенции.
Мбапе постигна четири погодоци, од кои три вечерва против Лил и засега нема асистенција, а Меси е со учинок од три гола и две асистенции, од кои едната против Лил беше фантастична и му помогна на Мбапе да постигна најбрз гол во Франција само за 8 секунди од стартот на мечот.
Lionel Messi, Neymar and Kylian Mbappé have been directly involved in 76 Ligue 1 goals between them in 2022:
◉ Messi: 8⚽12🅰️
◉ Neymar: 15⚽9🅰️
◉ Mbappé: 23⚽9🅰️Phenomenal output. 🔢 pic.twitter.com/N2PnwCcvew
— Squawka (@Squawka) August 21, 2022
Фантастичен е и податокот дека триото Меси-Нејмар-Мбапе директно учествувале со голови или асистенции при постигнувањето дури на 76 гола на ПСЖ во 2022 година.
На последните 8 меча, Меси и Нејмар заедно имаат 33 поени, сметајќи ги головите и асистенциите, што исто така е феноменален ефект на јужноамериканското дуо во ПСЖ.