Европската фудбалска унија, УЕФА, конечно ги прекина сите шпекулации околу тоа како ќе изгледа идеалниот тим на ЕВРО 2020. Официјално е претставен составот и во него има петмина италијански фудбалери, а тројца англиски. Го нема првиот стрелец Кристијано Роналдо.
„Дрим-тимот“ од годинашното ЕП изгледа вака: Донарума, Вокер, Бонучи, Мегваер, Спинацола, Жоржињо, Хојбјерг, Педри, Стерлин, Кјеза, Лукаку.
Инаку, во комисијата на УЕФА со технички набљудувачи која одреди кои 11-мина да бидат во идеалниот тим, од попознатите имиња беа: Естебан Камбијасо, Фабио Капело, Козмин Контра, Штефен Фројнд, Аитор Каранка, Роби Кин, Дејвид Мојс, итн.