Манчестер сити не проработе и на Боксинг деј. Евертон успеа да одигра 1-1 на „Етихад“ и освои бод, а херој на гостите беше голманот Џордан Пикфорд. Тој во 53-тата минута му одбрани пенал на Ерлинг Халанд.
Пикфорд се послужи со својот стар „трик“, кој сега редовно го користат голманите, кои на шишето за вода имаат напишано кој фудбалер како најчесто ги изведува пеналите.
Jordan Pickford had Erling Haaland’s number for that penalty 😤🧤 pic.twitter.com/54MlLevomH
— LiveScore (@livescore) December 26, 2024
Голманот на Евертон погледна во својот „потсетник“, ја прочита намерата на Халанд и успеа да го одбрани пеналот. Ова беше потегот на натпреварот, кој им даде поттик на гостите да стигнат до бод на ова тешко гостување.
