Стефано Пиоли уште на стартот на својата авантура на кормилото на Милан воведува промени со кои треба да се подобри тимскиот дух. Пиоли прво што смени во тимот е да ги смени работите во трпезаријата.
Наместо да вечераат на одделни помали маси, фудбалерите на Милан отсега ќе јадат сите заедно на една голема маса. Исто така, Пиоли ги извести играчите дека и за време на доручек треба да бидат заедно.
Италијанскиот стратег пред неколку дена потпиша двегодишен договор со Росонерите и го замени Марко Џампаоло. По седум кола во Серија А, Милан стои на 13-тата позиција на табелата со девет освоени бодови.