Хелсинки славеше со 2-1 против Црвена ѕвезда во реванш-натпреварот од второто квалификациско коло во Лигата на шампионите, но тој резултат не е доволен за пласман понатаму. Погодокот кој го постигна Јованчиќ во 56-тата минута од средбата практично ги трасираше Црвено-белите во следната фаза од квалификациите, што ја надополни разликата обезбедена од средбата пред шест дена која се одигра во Белград (2-0).
Домаќините претходно со Далсторм добија надеж за пресврт само една минута по стартот на второто полувреме, а погодокот на Риски во втората минута од судиското надополнување беше задоцнета реакција која ја донесе пировата победа.
Српскиот шампион во следното коло го очекува подобриот од парот Копенхаген – ТНС, каде што по првиот меч Данците имаат предност од 2-0.
https://www.youtube.com/watch?v=T86AdA3a7lw
