Гилјермо Очоа се врати дома и повторно ќе брани за матичниот клуб Америка, а навивачите на мексиканскиот гигант го пречекаа на спектакуларен начин.
Стотици симпатизери на најтрофејниот клуб во Мексико беа на аеродромот при пристигнувањето на голманот и му скандираа, прославувајќи го камбекот на репрезентативецот со 106 настапи за популарните Ел Три.
Очоа бранеше за Америка од 2004 до 2011 година, забележа 139 настапи за својот прв професионален клуб, а потоа се пресели во Европа. На Стариот Континент бранеше за: Ажаксио, Малага, Гранада, Стандард Лиеж и речиси по една деценија се врати дома.
Absolute scenes as @yosoy8a arrives in Mexico City to rejoin @ClubAmerica_EN 🦅 #ligamxeng pic.twitter.com/1IeH9nDTvq
— Tom Marshall (@mexicoworldcup) August 13, 2019