Регуларниот дел од НБА-лигата заврши со синоќешните натпревари, а сега на ред е она највозбудливото, разигрувањето, кое ќе започне ноќта помеѓу вторник и среда по македонско време со натпреварите од плејинот.
Најдобрата екипа во регуларниот дел, Бостон, со 68 победи на 82 натпревари за противник ќе го има подобриот од дуелот помеѓу Чикаго и Атланта, додека актуелниот бранител на трофејот, Денвер, ќе се сретне со Њу Орлеанс или ЛА лејкерс.
Освен екипите кои ќе ги чекаат своите противници од плејинот, познати се и четири двојки од плејофот. На Западот вкрстуваат екипите на ЛА клиперс и Далас, како и Минесота и Феникс, додека на Истокот ќе играат Кливленд и Орландо, додека Милвоки за противник ја има Индијана.
THE BRACKET IS SET 🍿 pic.twitter.com/guxcNaGEFf
— NBA (@NBA) April 14, 2024