Легендарниот фудбалер на Манчестер јунајтед, Пол Сколс, даде своја прогоноза околу тоа како стојат шансите за освојување на титулата во Премиер лигата. Според Сколс, Арсенал иако сега има шест бода повеќе од Манчестер сити, Топчиите не се фаворити за освојување на пехарот.
Арсенал претрпе неочекуван пораз од Борнмут на свој терен со 1:2, додека Сити славеше на гости кај Челзи. Во следното коло се игра големото дерби во кое Сити на својот стадион „Етихад“ ќе биде домаќин на Арсенал. Овој меч може да реши многу работи околу трката за титулата.
Арсенал пред еден месец загуби од Сити во финалето на Карабао купот, а легендарниот Сколс не верува дека Топчиите може да ја освојат титулата.
„Мислам дека приказната за Арсенал е завршена. Сега моментот е за Сити да се покаже. Не видов Арсенал да ги победува ривалите во големи натпревари“, вели Сколс во поткастот „Добриот, лошиот и фудбалот“.
