Давид Силва, кој заработи тешка повреда на коленото, денеска и официјално му кажа збогум на активното играње. Шпанецот не е единствениот кој се повлекува од фудбалот. Легендарниот уругвајски репрезентативец Диего Годин во недела ќе го одигра последниот натпревар, а потоа ќе ги стави „копачките на клин“.
„Диего одлучи дека во недела ќе биде неговиот последен натпревар. Потоа ќе се врати во Уругвај и веќе нема да игра“, вели неименуван извор од клубот Велес Сарсфилд, каде што настапува Годин.
Велес Сарсфилд ќе игра против Хуракин, а потоа ќе ја активира клаузулата која вели дека може да го раскине договорот. Професионалната кариера на Годин траеше точно 20 години. Во 2003 година дебитираше за тимот на Черо Портено, а потоа замина во Национал Монтевидео.
Во 2007 година реши да направи трансфер во Европа и замина во Вилјареал. По три сезони, си замина од Жолтата подморница и потпиша за Атлетико Мадрид, каде што стана клупска легенда. Во девет сезони за Јорганџиите одигра 389 средби. Потоа направи трансфер во Интер, каде одигра една сезона, а потоа две години играше во Калјари.
Потоа еден меч одигра за Атлетико Минеиро и потпиша во Велес Сарсфилд, но многу веројатно дека дебито во аргентинскиот тим ќе биде и негов последен натпревар во кариерата.
