Американката Микаела Шифрин со денешната победа на слаломската трка во Оре, стана апсолутна рекордерка во историјата на алското скијање по бројот на победи во Светскиот куп.
Шифрин има 87 победи, и сега е рекордерка, надминувајќи го славниот Ингемар Стенмарк кој имаше 86 и долго време го држеше првото место.
Микаела која има 27 години, ако продолжи со одличната форма, уште во следната сезона или наредната после нејзе, може да дојде и до 100 победи, што би било тешко достижна граница за идните генерации скијачи и скијачки.
Од овие 87 победи на Шифрин, 53 се во слалом, 20 во велеслалом, по 5 во супер џи и паралел слалом, три во спуст, и една во комбинација.
