Екипата на Челзи е најголемиот губитник сезонава во Премиер лигата, повеќе од извесно е дека ќе остане без пласман во Лигата на шампионите иако новиот сопственик, Тод Боли, потроши повеќе од 600 милиони евра за засилувања, а сметката ќе ја плати менаџерот Греам Потер.
Повеќе англиски медиуми објавија дека челниците на Челзи го контактирале поранешниот менаџер на Тотенхем, Маурисио Покетино, кој е без ангажман откако минатата година доби отказ од ПСЖ.
Аргентинецот наводно ја одбил првата понуда да го наследи Потер на клупата на Челзи, но не ја отфрлил целосно можноста од следната сезона сепак да биде нов менаџер на Сините.
Mauricio Pochettino turns down Chelsea approach to replace Graham Potter.
Chelsea showed interest late last week, and the former Spurs man was targeted but he was not keen.
Chelsea won't remove Potter without a plan.
— Simon Phillips (@siphillipssport) February 21, 2023
Англиските медиуми пишуваат дека Потер ја загубил довербата на сопственикот, а и навивачите сè погласно бараат тој да добие отказ уште сега и да не се чека крајот на сезоната.
Доколку Челзи не успее да ја елиминира Борусија Дортмунд во осминафиналето од Лигата на шампионите, тогаш Потер дефитивно ќе добие отказ. Првиот натпревар што се играше на „Сигнал Идуна парк“ заврши со триумф на Милионерите од 1:0.
