Англискиот премиерлигаш Челзи се соочува со неочекувана трансфер-драма токму во моментот кога клубот се подготвува за нова ера под водство на Чаби Алонсо откако ѕвездата во нападот Жоао Педро наводно изразил желба да се пресели во Барселона, и покрај цврстиот став на лондонскиот клуб дека тој не е на продажба.
Дваесет и четиригодишниот Бразилец е најдобриот поединец на Челзи оваа сезона, со ефект од 15 гола и пет асистенции на 34 настапи. Откако пристигна од Брајтон во летото 2025 година за 65 милиони евра, тој има вкупно 23 гола и девет асистенции на 52 натпревари во сите натпреварувања, со што стана најсигурната офанзивна опција на тимот.
Според шпанскиот „АС“, спортскиот директор на Барселона, Деко, оваа недела одржал состаноци во Лондон со претставници на агенцијата што го застапува Педро. Каталонскиот клуб, кој ќе бара нов напаѓач по заминувањето на Роберт Левандовски, го гледа Бразилецот како идеална замена.
„АС“ наведува и дека Педро е силно заинтересиран за трансфер вреден околу 75 милиони евра, што ја зголемува неизвесноста околу неговата иднина.
Дополнителна тензија носат тврдењата дека новиот тренер Чаби Алонсо би можело да биде отворен за негово заминување доколку играчот не е задоволен, повикувајќи се на неговите претходни искуства со незадоволни фудбалери.
