Тренерот на Реал Мадрид, Карло Анчелоти, во следните околу две недели, ќе мора да се откаже од услугите на десниот бек Даниел Карвахал, кој е повреден и ќе пропушти неколку важни мечеви периодов.
Карвахал, кој ја носи капитенската лента кога на терен ги нема Начо и Модриќ, сезонава игра одлично, па неговото отсуство може да биде проблематично за Реал.
Сигурно е дека Карвахал нема да игра утре против Унион Берлин во меч од Лигата на шампионите, ниту на градското дерби со Атлетико Мадрид в недела, што е поголем проблем. Потоа сред недела следува дуел со Лас Палмас, а прогнозите се дека Карвахал би можело да се врати најрано на гостувањето кај опасната и разиграна Жирона на 30 септември или на 3 октомври, кога Реал има друго тешко гостување, кај Наполи во ЛШ.