Македонската репрезентација за фудбалери до 21 година во Црна Гора ќе одигра два контролни натпревари, против Србија во Подгорица на 16 ноември и против домашната селекција на 19 ноември. По тој повод, селекторот Добринко Илиевски го објави списокот на кандидати за настап.
„Двата натпревари во Црна Гора се наши први по завршувањето на квалификациите и убава прилика да провериме некои нови фудбалери кои се интересни за нас, а воедно да го воиграме тимот кој што треба да го понесе товарот во следните квалификации. Ќе им дадеме шанса на фудбалерите да видиме дали имаат репрезентативен квалитет, но без премногу експериментирање“, изјави селекторот Илиевски.
Селекторот ги повика следните фудбалери:
Голмани: Ристе ЈАНКОВ (Работнички), Филип ТРАЈЧЕСКИ (Струга Трим Љум), Томас БОЖИНОВСКИ (Виторија, Португалија);
Одбрана: Ване ЈОВАНОВ (Академија Пандев), Тодор ТОДОРОВСКИ (Вардар), Филип ТРАЈАНОВСКИ (Оддеволд, Шведска), Есмин ЛИЧИНА (Скопје), Оливер СТОЈМЕНОВСКИ (Работнички), Агрон РУФАТИ (Истра 1961, Хрватска);
Среден ред: Давор ЗДРАВКОВСКИ (АЕЛ Лимасол, Кипар), Јани АТАНАСОВ (Бурсаспор, Турција), Милош ТОШЕВСКИ (Земун, Србија), Андреј ТОДОРОСКИ (Фјорсдорфер, Австрија), Марко ФЕРУКОВСКИ (Кикерс Офенбах, Германија);
Напад: Даниел МИЛОВАНОВИЌ (Академија Пандев), Кристијан ТРАЈЧЕСКИ (Оливеира Хоспитал, Португалија), Милан РИСТОВСКИ (Кршко, Словенија), Кристијан ТРАПАНОВСКИ (Викторија Жижков, Чешка), Димитар МИТРОВСКИ (Спортинг Лисабон, Португалија), Марио КРСТОВСКИ (Академија Пандев), Емил АБАЗ (Бершот, Белгија).
