Стоперот Бранислав Трајковиќ е првото зимско засилување на фудбалскиот клуб Работнички, а 30-годишниот стопер доаѓа во клубот од Дебар Маало од редовите на белорускиот Ислох.
Работнички е во многу незавидна позиција по првиот дел на домашното првенство и се наоѓа на последното место со само 15 бодови.
Трајковиќ е искусен играч и во кариерата има настапувано уште и за Партизан, Војводина, Земун, Хајдук Кула…
Во првото пролетно коло, или 19. во домашното првенство Работнички ќе и гостува на Струга на 16. февруари.
