Трофејниот шпански тренер Рафаел Бенитес ќе биде нов тренер на Селта, соопшти шпанскиот тим.
Селта објави дека е договорено Бенитес на почетокот од јули, кога ќе започне летниот преоден рок, ќе потпише едногодишен договор, со можност да се продолжи на уште две години.
Бенитес без ангажман е од јануари 2022 година кога доби отказ од Евертон. Во богата тренерска кариера ги водеше и Реал Мадрид, Интер, Челси, Њукасл, Валенсија и Наполи. Со Ливерпул во 2005 година триумфира во Лигата на шампионите.
📝 𝗗𝗘𝗔𝗟 𝗗𝗢𝗡𝗘: Rafael Benitez has been appointed the new head coach of Celta Vigo.
(Source: @RCCelta) pic.twitter.com/mQhGUZnwI0
— Transfer News Live (@DeadlineDayLive) June 23, 2023
Со Валенсија двапати триумфира во Ла Лига и во Купот на УЕФА, со Интер триумфира на Светското клупско првенство, со Челси во Лигата на Европа, додека со Наполи го освои Купот на Италија.
Последен пат, Бенитес работеше во Ла Лига во 2015 година кога седеше на клупата на Реал Мадрид.
