Актуелниот европски и англиски шампион е заинтересиран за трансфер на играчот на Баерн Минхен, Алфонсо Дејвис.
Преговорите меѓу Дејвис и Баерн за продолжување на соработката се прекинати бидејќи управата нема намера да му ја исполни желбата на фудбалерот и да го направи еден од најплатените играчи во тимот, со што ризикува да остане без него.
Актуелниот договор на Дејвис со Баерн трае до 2025 година, но доколку не најдат заеднички јазик за продолжување на соработката, германскиот тим ќе мора да го стави дефанзивецот на трансфер-листата во летниот преоден рок за да заработи на него.
Сериозен интерес за Дејвис пројавува Реал Мадрид, чии директори го советувале фудбалерот да не ја прифаќа понудата на Баерн за да можат налето за помала сума да го ангажираат, но сега во трката е подготвен да се вклучи Манчестер сити, и тоа на инсистирање на Хосеп Гвардиола.
