Освојувачот на Златната топка за 2024 година, Родри, има свој фаворит на фудбалските терени и без размислување одговори кој е најдобриот фудбалер на сите времиња. Одговорот воопшто не е изненадување.
„Нема сомнеж. За мене најдобриот на сите времиња е Лионел Меси. Кога ја има топката во своите нозе, веднаш знаеш дека се заканува опасност. Кога би играл против него, ќе се обидам да му ја земам топката, но тој ќе побегне како воопшто да ме нема“, одговори Родри.
Лионел Меси освои осум Златни топки и сè што можеше да се освои во светот на фудбалот на клупски и на репрезентативен план. Оваа сезона во Интер Мајами ја заврши со 21 гол и 11 асистенции на 22 натпревари.
