Реал Мадрид со 3:0 славеше на гостувањето кај Овиедо во меч од второто коло на шпанското првенство. Во 37-мата минута Килијан Мбапе погоди за 1:0, но неизвесно беше до самиот финиш на средбата.
Овиедо погоди статива во 82-рата минута, кога можеше да израмни на 1:1, но откако тоа не се случи, веднаш на спротивната страна Мбапе постигна гол за 2:0. Во судиското надполнување погоди и Винисиус јуниор за 3:0.
Освен трите гола, овој меч го одбележа и реакцијата на Бразилецот Родриго. Играчот кој има неизвесна иднина во Реал беше стартер, но беше заменет во 63-тата минута. Откако го напушти теренот, Родриго јасно покажа дека е незадоволен од одлуката на тренерот Чаби Алонсо и почна да негодува.
За негова несреќа, камерманот ја забележа реакцијата на Родриго кога беше заменет, а сигурно тоа нема да му се допадне на тренерот Алонсо, кој и онака му имаше дадено ултиматум на Бразилецот да го докаже квалитетот или ќе си замине од екипата.
