Кошаркарската репрезентација на Македонија го претрпе и третиот пораз во претквалификациите за Светското првенство.
Денешните 66-79 на гости против Романија во Орадеа, потврдија дека овој состав и покрај желбата и борбеноста, нема сили и квалитет да се најде на првите две места во групата кои водат во главните квалификации.
Останува на 20-ти август да се одигра уште еден меч од овој циклус, дома против Унгарија, и тоа не во Куманово како што беше предвидено, туку во Скопје.
На пет ипол минути до крај дојдовме на негатива од само 61-64, но Романците погодија тројка во следниот напад и го запреа налетот на македонскиот тим, потоа дадоа и два поени, па во последните четири минути домашните влегоа со позитива од 8 поени ралика.
Македонија пак се доближи, а Романците погодија клучна тројка на 2,15 минути до крај за 72-66, откако во претходниот напад Ташовски пропушти прилика да изедначи со шут за три поени.
Вајли, Магдевски и Митревски беа со двоцифрен број поени, но како и во Куманово, пресудија тројките на Романците. Денеска ги имаа шест повеќе.
