Некогашниот соиграч на Кристијано Роналдо од деновите кога играа во Манчестер јунајтед, Велшанецот Рајан Гигс смета дека Португалецот може уште долго да игра на високо ниво, но ако е во вистинскиот клуб.
Легендата на Јунајтед шест години играше со Роналдо и добро го познава.
„Не верував дека тој ќе дава толку многу голови. Беше талентиран и играч кој ве тера да вибрирате, постојано учеше, секогаш сакаше повеќе. Постојано беше во вежбална и си замислуваше колку добар може да биде. Даде 40 гола во една сезона за Манчестер и оттогаш направи неверојатна кариера“, се присетува Гигс.
Гигс играше за Црвените ѓаволи до својата 40-та година и верува дека и 35-годишниот Роналдо го може тоа.
„Тој може да игра и на 40 години ако е во вистинскиот клуб. Јас бев во вистинскиот клуб и знам како е, затоа не ми е проблем да си го замислам Кристијано како игра на 40. Се грижи за себе, се храни здраво, одмора колку што треба, тој е најголем професионалец со којшто сум играл“, вели Гигс.
Роналдо не покажува знаци на слабост, и на 35 игра добро, а сега пред него е целта да стане најдобар стрелец во историјата на фудбалот и светски рекордер според бројот на постигнати голови за национален тим.