Карлос Саинс е победник на Големата награда за Сингапур. Возачот на Ферари стартуваше од пол-позицијата и во текот на целата трка беше одличен, а на крајот успеа да ги одбие сите напади и притисоци што ги имаше од ривалите и стигна до втората поведа во кариерата.
CARLOS SAINZ WINS IN SINGAPORE!!!#SingaporeGP @ScuderiaFerrari pic.twitter.com/bd2MzhOFW6
— Formula 1 (@F1) September 17, 2023
Во последните неколку кругови дури четворица возачи беа кандидати за победата. Саинс водеше пред Норис, Расел и Хамилтон кои беа веднаш зад него. Во последниот круг, притисокот не го издржа Расел кој удри во заштитната ограда и остана без пласман, па четвртото место му припадна на Луис Хамилтон.
Pure agony for George Russell on the final lap💥#F1 #SingaporeGP pic.twitter.com/9Rug7lX08J
— Formula 1 (@F1) September 17, 2023
Актуелниот Ф1 шампион, Макс Ферстапен ја заврши рекордната доминација од 10 победи по ред, откако на крајот во Сингапур заврши на петото место. И овој пласман за Холанѓанецот е успех, ако се знаее дека трката ја започна од 11 позиција.