Репрезентацијата на Египет е последниот полуфиналист на Африканскиот куп на нации, откако во драматичен меч славеше со 3-2 над Брегот на Слоновата коска.
Мармуш уште во четвртата минута ги донесе „фараоните“ во водство, а Рабиа во 32-рата минута зголеми на 2-0 по асистенција на Мохамед Салах.
Сепак, иако изгледаше дека Египет рутински ќе победи, Фатух во 40-тата минута си постигна автогол и го направи продолжението од мечот неизвесно.
Мохамед Салах во 52-рата минута зголеми на 3-1, а Дуе во 73-тата минута ги постави конечните 3-2.
Египет за противник во полуфиналето ќе го има Сенегал, додека другата двојка ја сочинуваат Нигерија и Мароко.
