Лудницата во Њукасл сè уште трае откако вчера Јавниот инвестициски фонд, ПИФ, од Саудиска Арабија го купи клубот, па сега е објавено дека само еден ден по трансферот на власта премиерлигашот ги продаде сите билети за дуелот со Тотенхем, закажан за 17 октомври.
🎟 𝗦𝗢𝗟𝗗 𝗢𝗨𝗧 🎟
Tickets for our first game under new ownership against Tottenham Hotspur on Sunday, 17 October are now sold out.
Thank you for your support! ⚫️⚪️
— Newcastle United FC (@NUFC) October 8, 2021
Не поминаа ниту 24 часа, а фудбалската грозница што го тресе Њукасл доведе веднаш да се продадат сите билети за мечот на стадионот „Сен Џејмс парк“, што има капацитет од 52 илјади места.
Вчера од Њукасл потврдија дека богатите шеици од Саудиска Арабија го купија клубот од Мајк Ешли и сега се веќе 100-процентни сопственици на премиерлигашот, а трансферот е одобрен и од челниците на англиската лига.
Јавниот инвестициски фонд располага со огромно богатство од 320 милиони фунти и ќе биде убедливо најбогатиот инвеститор во светот на фудбалот.