По повеќе од 70 години долга и успешна соработка, се случи невозможното, Фудбалската федерација на Германија (ДФБ) и германскиот производител на спортска опрема „Адидас“ во 2027 година ќе ја прекинат соработката.
Nike will be Germany's new kit supplier starting in 2027 after Adidas had made their kits for more than seven decades.
Some of these were iconic 🇩🇪 pic.twitter.com/KtyeNOsy6Q
— B/R Football (@brfootball) March 21, 2024
ДФБ од 2027 година ќе соработува со американскиот производител „Најки“, кој ќе ги облекува сите германски репрезентации. Договорот со „Најки“ ќе трае најмалку до 2034 година. Според директорот на ДФБ, Холгер Бласк, откри дека „Најки“ ја имал најдобрата финансиска понуда, како и дека се обврзал да го промовира аматерскиот фудбал.
Последен голем турнир на кој Германија ќе игра во опрема на „Адидас“ треба да биде Светското првенство во 2026 година, кое треба да се одржи во САД, Мексико и Канада, доколку се квалификува.
Германската репрезентација во опремата на „Адидас“ во машка конкуренција освои четири титули на СП и три на ЕП, додека во женска конкуреција двапати триумфира на СП и дури осумпати на ЕП.
