Македонија одигра без голови 0:0 во Даблин против Ирска, во меч на две селекции кои беа поразени во полуфиналните бараж-пресметки за пласман на Светското првенство. Селекторот Гоце Седлоски е задоволен од тоа што го покажаа неговите избраници.
„По оној исцрпувачки меч и пораз од Данска, сега ремизиравме против Ирска во дуел на кој немаше многу шанси. Задоволен сум, им дадов шанса на сите фудбалери, голем дел од нив на оваа средба ја оправдаа довербата. Фетаи денеска беше дебитант и одлично се покажа. Мора да работиме и понатаму, сакам да бидеме и офанзивни и верувам дека ќе дојдат и головите“, рече Седлоски на прес-конференцијата во Даблин.
