Фудбалерите на Селтик го одбранија трофејот во шкотскиот Лига куп откако денеска во финалето го совладаа омразениот ривал, Ренџерс со 2:1.
Селтик беше подобар тим во првото полувреме, одличната игра ја круниса со голот на Кјого Фурунаши во 44-та минута.
https://twitter.com/i/status/1629872631049601024
На стартот од вториот дел, во 56-та минута, Фурунаши на асистенција на вториот Јапонец кој игра во Селтик, Рео Хатате, зголеми на 2:0.
https://twitter.com/i/status/1629880023422214152
Одговорот на Ренџерс следеше осум минути подоцна, Алфредо Морелос ја искористи гужвата во противничкиот шеснаесетник по центаршутот на Таверние и ја испрати топката во мрежата.
До крајот на натпреварот, иако фудбалерите на Ренџерс тргнаа на сè или ништо, не успеаја да постигнат и Селтик дојде до 21-от трофеј во Лига купот.
