Експертот за фудбалски трансфери, Фабриоцио Романо, денес излезе со сензационална најава на социјалните мрежи. Македонскиот репрезентативен голман, Столе Димитриевски, на маса има понуди од две екипи од Ла Лига и веќе во јануари ќе ги започне преговорите за трансфер.
Се работи за најтрофејната екипа во Лигата на Европа, Севиља, како и поранешниот освојувач на истото натпреварување, Виљареал. Договорот на Столе Димитриевски со Рајо Ваљекано истекува следното лето и трансферот би го направил како слободен агент, а веќе во јануари ќе започнат преговорите за личните услови.
Нашиот голман веќе петта сезона е незаменлив на голот на клубот од предградието на Мадрид, а импресивни се и неговите настапи оваа сезона, што секако го привлече вниманието на големите шпански клубови.
🇲🇰 Understand Stole Dimitrievski is already in the list at Sevilla and Villarreal for next season as potential free agent. Both clubs appreciated Macedonian goalkeeper.
His current deal at Rayo Vallecano expires in June 2024. pic.twitter.com/cPcaZ4uCzX
— Fabrizio Romano (@FabrizioRomano) November 12, 2023
Столе Димитриевски потекнува од Куманово, а своите први сениорски настапи ги имаше за екипата на Работнички, каде мина две сезони. Следуваше трансфер во Удинезе, каде не доби шанса и беше позајмуван во Гранада и Кадиз, па преку Гимнастик во 2019-тата пристигна во Рајо Ваљекано. Нашиот репрезентативец има понуди и од други клубови, но целта е останување во шпанската Ла Лига. Димитриевски има 64 настапи за репрезентацијата на Македонија и е рекордер помеѓу голманите и 10-те на вкупната листа.
