По пауза од седум години, Интер конечно победи на гостувањето во Фиренца против Фиорентина, во меч од Серија А. Нераѕурите постигнаа по еден гол во двете полувремиња за триумф од 2:0. Барела погоди за 1:0 во 31 минута, а триумфот на гостите го потврди Иван Перишиќ со погодокот во 52 минута.
Интер имаше четири нерешени и три порази од претходните седум гостувања на „Артемио Франки“, но тимот од Милано сега потврдува дека има шампионски амбиции, а тоа значи дека мора да се освојуваат трите бода и на гостувањата.
По 21 одигран меч, Интер има 47 бодови, еден повеќе од градскиот ривал Милан, кој в недела на свој терен ќе игра против Кротоне. До дуелот на Росонерите, Интер е биде предводник на табелата во Серија А.