Паузата која што ќе биде повеќе од шест недели за време на одржувањето на Светското првенство во Катар, претставува голем проблем за најсилните европски лиги и клубови.
Фудбалерите кои што нема да настапуваат на ова Светско првенство, сред сезона ќе морааат само да тренираат, без да играат официјални натпревари.
Италијанската федерација пронајде одлично решение и во тој период ќе организира турнир во САД, на кој што ќе настапат сите екипи од Серија А со фудбалерите кои што нема да бидат дел од ова СП во Катар.
Федерацијата се надева дека ќе го зголеми интересот на Американците кон фудбалот во Италија и дека ќе привлече што повеќе спонзори од земјата во која што фудбалот е сè уште во развивање.