Италијанската Серија А стана првата од Tоп 5 европските лиги што официјално ќе воведе посебен трансфер период поради новото издание на Светското клупско првенство следната година, пренесуваат медиумите од Апенините.
Италијанската фудбалска федерација одобри во периодот од 1 до 10 јуни 2025 година. клубовите во оваа земја да можат да прават трансфери за подобро да се подготват за сезоната 2025/2026.
Дополнителниот преоден рок ќе важи за сите италијански тимови, а не само за учесниците во клупскиот Мундијал, Интер и Јувентус. Така, клубовите од италијанската елита ќе можат да склучуваат договори во овој период, како и да имаат повеќе време за продолжување на договорите на своите играчи, кои вообичаено истекуваат на 30 јуни.
With remarkable speed, the FIGC accepted the Lega Serie A proposal to set up an extra transfer window in June 2025 to register players for the Club World Cup, but it is not final yet https://t.co/sb2t1HP9GQ #SerieA #Calcio #SerieAEnilive
— Football Italia (@footballitalia) November 21, 2024
Веста не е изненадувачка, бидејќи пред еден месец беше објавено дека ФИФА ќе воведе токму ваков нов преоден рок за сите федерации.
Светското клупско првенство започнува следната година на 15 јуни во САД и ќе трае до 13 јули. Ждрепката за групната фаза ќе се одржи на 5 декември во Мајами.
