Шалке 04 не успеа да го победи Холштајн Кил во најчудниот меч сезонава во Втората германска лига.
Во Гелзенкирхен мечот заврши нерешено 1:1, а интересно е што судијата Вахитцки не покажа ниту еден картон, ниту жолт, ниту црвен за вкупно 94 минути игра.
Македонскиот репрезентативец Дарко Чурлинов беше стартер за Шалке 04 и играше до 63.минута кога беше заменет со Мариуш Бултер.
Гостите поведоа со голот на Мухлинг во 67. минута, а најдобриот стрелец на Шалке 04 и трет голгетер во Цвајта, Симон Тероде со 13-от гол во сезоната израмни на 1:1 во 74. минута.
Шалке 04 пропушти шанса со победа да се пробие на третото место на табелата кое гарантира бараж против клуб од Бундеслигата за пласман во елитата.
