Манчестер јунајтед не успеа да го продолжи победничкиот поход по рестартот на сезоната во Премиер лигата, прими гол во 96-тата минута и одигра само 2:2 на домашен терен против Саутхемптон.
Мајкл Обафеми со гол во 96-тата минута го нокаутира фаворитот и ги намали шансите на Манчестер јунајтед за настап во Лигата на шампионите.
https://twitter.com/AdemolaVictor/status/1282782887830585344?s=20
Резервата на Саутхемптон погоди во последен момент и го врати Јунајтед на петтата позиција на табелата, што не води во ЛШ.
Дуелот со Саутхемптон на „Олд Трафорд“ почна лошо за фаворитот, а Стјуарт Армстронг погоди во 12-тата минута. Претходно погреши Пол Погба, а Светците поведоа со 1:0.
https://twitter.com/rustygorelick/status/1282757028323233800?s=20
Сепак, домаќините брзо се вратија од почетниот шок и експресно израмнија, па потоа и поведоа со 2:1.
Маркус Рашфорд во 20-тата минута ја искористи итрата реакција на Антони Марсијал и израмни на 1:1. Во тој момент Рашфорд поведе со 16:15 во голови во трката со Марсијал за најдобар клупски стрелец на Манчестер јунајтед сезонава во Премиер лигата.
Rashford goal vs Southampton (1-1) https://t.co/SyWsFYnY9o
— United Goals ⚽️ (@UnitedGoals__) July 13, 2020
Антони Марсијал не чекаше долго за да се израмни со Рашфорд по бројот на голови, а со неговиот погодок во 23-тата минута Црвените ѓаволи поведоа со 2:1, предност што ја имаа до самиот финиш.
https://twitter.com/ManUnited_ENG__/status/1282758374795476992?s=20
За да не стигнат до долгоочекуваната трета позиција, се погрижи Мајкл Обафеми со гол за 2:2 во последен момент. Јунајтед остана на петтото место со 59 бода, колку што има и Лестер на четвртата позиција. До крајот на првенството има уште три кола, а во последното Црвените ѓаволи ќе му гостуваат токму на Лестер.
