Марио Балотели доживеа шок откако не му беше дозволено да влезе во тренинг-кампот на Бреша, па и по дополнителниот повик од својот мобилен телефон, не доби дозвола и мораше да си замине.
Балотели, според информациите во италијанските медиуми, наводно добил и отказ, но сепак потегот на раководството на калчолигашот е невкусен.
На видеоматеријалот се гледа дека Марио откако беше одбиен на портата на тренинг-кампот, се обидува да се објасни на телефон, но не доби попуст и мораше да се врати назад.
– Mario Balotelli turned back by security at Brescia HQ as wait for medical certificate continues while club is desperate to sack him
– Players across Serie A are required to present valid medical documents on arrival at training grounds and stadiums pic.twitter.com/e1dTxYcAtp
— OFFSIDE (@Sylvia_Ikeji) June 9, 2020
Претходно првиот човек на клубот, Масимо Селино, изјави дека ангажманот на Балотели му е најголема грешка во кариерата, а на потегот на играчот да не доаѓа на тренинзите на Бреша возврати со сличен потег.
Селино исто така направи лош маневар и не се појави на договорениот состанок со поранешниот репрезентативец на Италија, оставајќи го да чека повеќе од еден час во еден ресторан во Бреша.