Норвешка ќе игра против Франција во финалето на женското ракометно првенство, откако во интересен дуел успеа да го победи домаќинот Данска. Норвежанките победија со 27:24, иако на полувремето, Данска имаше водство од 13:10. Домаќинот Данска во дуел за третото место ќе игра против Хрватска.
Како што се очекуваше, полуфиналето меѓу соседите беше неизвесно до последен момент. Домаќинот многу помотивирано го започна мечот и по 15-тина минути игра, имаше предност од 10:6, а на полувреме замина со водство од 13:10. Највисоката предност од четири гола Данска ја имаше и на стартот од вториот дел (14:10), но потоа следуваше „будење“ на Норвешка. Со серија од 4:0, резултатот беше израмнет на 14:14, што беше и најава за пресврт.
WATCH: Stine Oftedal equalises for @NORhandball 🇳🇴 🔥#ehfeuro2020 #handballispassion pic.twitter.com/rIV0U3vS5I
— EHF EURO (@EHFEURO) December 18, 2020
Во 50 минута беше 21:21, а потоа следуваше нова фуриозна игра на Норвешка. Со серија од 6:1, Норвешка стигна до 27:22 во 57 минута и тука немаше враќање за домаќинките.
Пред овој меч, во првото полуфинале, Франција без многу проблеми со 30:19 го победи најголемото изненадување на турнирот, селекцијата на Хрватска.
