Шпанија игра на врвно ниво против Италија во Милано, води со 2:0 по еден час игра и е во слична позиција како Македонија при нашата победа против Германците во март во Дуисбург.
Италија има и играч помалку по исклучувањето на Бонучи во 42-рата минута и сега се загрозени неколку рекорди. Италија никогаш не загубила меч на „Сан Сиро“, стадион кој постои од 1925 година, па сега е пред прв пораз.
Аѕурите немаат пораз на домашен терен во овој милениум, а последен пат како гостин во Италија славеше селекцијата на Данска во 1999 година.
И ако не успеат да израмнат или да победат вечерва, Италијанците ќе ја прекинат серијата од 37 меча без пораз, што е рекoрдна во историјата на фудбалот.
Македонија во март годинава ја победи Германија на гостински терен со 2:1 и тоа беше прв пораз на Панцерите по цели две децении на домашен терен и во квалификации за Светско првенство, па Шпанците се во слична позиција вечерва во Милано.