Како ретко кога имаме успешно коло на бесплатната игра Спортска прогноза, во кое главниот подарок „Ајфон 11“ на двајца учесници им избега за влакно. Т. Даниел и М. Костадин погодија 12 парови на „Среќната 13-ка“, па како утешни подароци ќе добијат ваучери од Sport Life во вредност од 1.000 денари.
Даниел „се лизна“ на градското дерби меѓу Атлетико и Реал, во кое очекуваше триумф на Кралевите, но за негова жал дербито на „Ванда Метрополитано“ заврши со реми од 1-1. Костадин неуспешно го прогнозираше дуелот меѓу Келн и Вердер Бремен од Бундеслигата, бараше победа на домаќините во мечот во кој што бодовите се делеја при конечни 1-1.
Иако не стигнаа до премијата, на Даниел и Костадин треба да им се честита со оглед на тоа дека речиси перфектно прогнозираа во 26-тото коло кое беше полно со предизвици.
Воедно, има и шестмина прогнозери со по 11 погодени парови, за кои се предвидени ваучери од по 500 денари во Sport Life. Ова е доказ дека со учеството во бесплатната игра Спортска прогноза не можете да загубите ништо, а може само да добиете доколку верувате во своите прогнозерски способности.
Прогнозерите денес ќе имаат нова шанса за атак на „Ајфонот“. Во 14 часот, новото 27-мо коло ќе биде достапно за прогнозирање, а овие две „стативи“ можеби се знак дека набрзо главниот подарок ќе биде во нечии раце.