Штета што не погоди – Уште се тресе „Сан Сиро“ по ножичките на Леао (Видео)

Милан може да жали што заврши сезоната во Италија, а шлаг на серијалот по паузата, во кој Росонерите забележаа 9 победи и трипати ремизираа ќе беше гол по страшно атрактивниот потег на Португалецот  Рафаел Леао.

Напаѓачот на Милан изведе вистинска акробација, но ја погоди пречката на голот на Калјари. Потегот беше мајсторски и штета е што 21-годишниот играч не успеа да ја погоди мрежата на гостинскиот гол.

https://twitter.com/itsNvxk/status/1289639795375800320?s=20

Милан го победи Калјари убедливо со 3:0 и остана единствениот тим во Серија А што нема пораз по рестартот на сезоната.

Ако се смета и ремито со Јувентус во купот на Италија, серијалот на Милан е долг и траеше 13 меча, во кои гигантот забележа 9 победи и 4 пати ремизираше.