Швајцарија го топи исландскиот мраз

Лигата на нациите го раздвижи и понеделник, па и денеска понудата во Sport Life е збогатена со атрактивни мечеви од ова натпреварување.

Веќе започнува и расплетот во групите, а се разгорува битката за пласман во плејофот, но и за опстанок во Дивизиите.

Ние ќе ви понудиме пет предлози од ова натпреварување, со статистика, анализа и меѓусебни биланси.

 

Исланд – Швајцарија (20.45 часот)

Исланѓаните изненадувачки беа на прагот на сензација против Франција во пријателскиот натпревар што заврши 2-2. Имаа предност од 2-0 на гости кај актуелниот светски првак, но не издржаа во последните пет минути и примија два гола. Тоа што ги красеше одличната психофизичка подготвеност, сега како да им станува слабост на Исланѓаните. Дозволија Франција да им израмни за пет минути, а претходно доживеаја вистински дебакл и од Белгија и од Швајцарија.

„Црвените ѓаволи“ славеа со 3-0, а Швајцарија ги декласира Исланѓаните со неверојатни 6-0. И сега гостите се фаворити во Рејкјавик, бидејќи им треба победа во битката со Белгија за првото место во групата. Исланд е без бодови и со гол-разлика 0-9, па и нема шанси за првото место. Мотивот е да се направи обид со победа евентуално да се избегне испаѓање од Сегментот А, но и тоа ќе биде мошне тешко.

Предлог тип: Х2&3+ (2.50) Квота на денот

 

Шпанија – Англија (20.45 часот)

Герет Саутгејт се жали на замор во англискиот табор, но тоа се само мал дел од проблемите што ги има селекторот на „Гордиот Албион“ пред гостувањето во Севилја. На „Бенито Вилјамарин“ Англичаните ќе се обидат да го урнат шпанското проклетство што ги следи од 1980 година. Оттогаш немаат постигнато гол како гости против „црвената фурија“.

Шпанија е фаворит и вечерва во Севилја, ја победи Англија на првиот меч во Лигата на нациите, и тоа со пресврт, па и сега е фаворит. Луис Енрике дебитираше како селектор токму со победата од 2-1 на „Вембли“ пред еден месец, а тој е еден од клучните фактори за враќање на сјајот на шпанската селекција. Повторно играат одлично откако Енрике е кормилар и со две победи, се на прагот да го освојат првото место во групата во конкуренција на Англија и Хрватска. Играат ефикасно, на двата меча постигнаа вкупно 8 голови, а предлог-типот го поткрепуваме со податокот дека и на двата дуели постигнаа вкупно пет голови во првото полувреме.

И како загревање за Англија, го победија Велс пред четири дена со 4-1, со три постигнати голови во првите 45 минути.

Предлог тип: T1 1+I & Т1 2+ (2.50) Квота на денот

 

Босна и Херцеговина – Северна Ирска (20.45 часот)

По една година пауза, селекцијата на Босна и Херцеговина се враќа на „Грбавица“ и очекува победа против Северните Ирци на стадионот на Железничар.

Досега пракса беше да се игра во Зеница на „Билино полје“, стадион кој беше бастион на „Босанците“, но сега повторно дојде ред на главниот град Сараево. И тука БиХ е апсолутен фаворит за победа во само вториот меч што ќе го игра со Ирците. Првиот го доби во Белфаст пред еден месец со 2-1, но славеше со многу среќа.

Един Џеко и Миралем Пјаниќ повторно би требало да го предводат составот на домаќинот, а победа против Северна Ирска ќе ги доведе многу блиску до освојување на првото место во групата и промоција во најсилната Дивизија во Лигата на нациите.

Северна Ирска нема што да загуби и со евентуален триумф може да го фати последниот воз за опстанок во Сегментот Б.

Предлог тип: 1-3I&1-3I (2.25) Квота на денот

 

Естонија – Унгарија (20.45 часот)

Две селекции што бијат битка за избегнување преселба во најнизок ранг на натпревари во Лигата н анациите. Естонците си фатија ред со порази од по 0-1 и ги имаат три во серија.

Унгарија има два идентични порази со минимални 0-1 и победа против Грција. Новиот селектор Марко Роси бара трпение, но Унгарија нема време за чекање и мора да победи за двоен ќар. Да фати приклучок во битката за врвот со Финска и Грција и истовремено да си го обезбеди опастанокот.

Естонците имаат црна серија од пет порази по ред, ова им е последната шанса да избегнат преселба во Сегментот Д и мораат да нападнат. Ниту Унгарија нема простор за калкулации, па би требало да има голови и покрај неефикасноста на двете селекции на последните натпревари.

Предлог тип: ГГ (2.35)

 

Финска – Грција (20.45)

Марку Канерва ги препороди Финците и за две години под неговата команда „Летечките Финци“ се стабилизираа и сега се кандидати за пласман во Сегментот Б. Треба да ја победат Грција, селекцијата која им е главен ривал за првото место во групата, но има еден неочекуван пораз од Унгарците.

Финска има серија од 4 победи по ред, а притоа и мирува мрежата на Лукас Храдецки. Голманот на Баер Леверкузен е последната пречка пред непробојниот бедем на Финците, кои играат многу дисциплинирано и пред сè, дефанзивно. Така беше и во Анталија против Македонија на пријателскиот меч во март годинава што заврши без голови.

И Грците не се многу мераклии за голови, мечот е од исклучително значење и може дури и да го одлучи победникот во групата, па не би требало да биде ефикасно вечерва од 20.45 часот во Тампере.

Предлог тип: 0-2 (1.46)

 

 

- Оглас -

Најнови вести