Џовани Симеоне стана првиот фудбалер на Верона од 1958 година наваму кој постигнал четири гола на еден меч од италијанската Серија А. Популарниот Чолито (мал Чоло), кој е син на актуелниот тренер на Атлетико Мадрид, Диего „Чоло“ Симеоне, со својот „покер“ го уништи Лацио, и на тимот од градот на вљубените му донесе триумф од 4-1.
Овој меч предизвика големо внимание и поради присуството на младиот Романо Флоријани Мусолини на клупата на гостите. Правнукот на фашистичкиот лидер на Италија од времето на Втората светска војна и годините пред тоа, Бенито Мусолини, не влезе во игра.
