Фил Фоден сè повеќе се наметнува како стандарден првотимец на Манчестер сити, а вечерва со неговиот гол во 44-тата минута популарните Граѓани го победија Брајтон и стигнаа до третата позиција во Премиер лигата.
Дваесетгодишната фудбалска надеж на Англија погоди по третпат на последните пет меча што ги одигра за Сити и го одлучи победникот.
На асистенција на Кевин де Бројне во финишот на првиот дел, Фоден го совлада Санчес и му донесе три бода на фаворитот.
Во финишот на мечот Рахим Стерлинг промаши пенал за домаќините, но Сити сепак успеа да ги освои бодовите со минимална победа од 1:0.
@ManCity (1)-0 @OfficialBHAFC
Assist: @DeBruyneKev
Goal: @PhilFoden¡¡ Goal from one of our own Iniesta !!
Another assist from the best midfielder itw pic.twitter.com/Zofxw9Gwi1
— KDB UPDATES (@kdb_updates) January 13, 2021
Манчестер сити има серија од 4 победи по ред и веќе е на третото место со 32 бода, четири помалку од лидерот и градски ривал Манчестер јунајтед и еден од актуелниот англиски првак Ливерпул.
Граѓаните имаат одиграно еден меч помалку, па имаат шанса да бидат и втори ако ја продолжат успешната серија победи.
Брајтон го претпре и осмиот пораз по ред во меѓусебните дуели со Сити и го чека битка за опстанок на 17-тата позиција, само со 14 бода.