Комитетот за потрошувачи во Хонг Конг добил повеќе од 1.000 поплаки од локални жители, но и од туристи поради отсуството на Лионел Меси на пријателскиот меч меѓу Интер Мајами и репрезентацијата на Хонг Конг.
Вкупниот износ на побарувачка надмина 1,1 милиони долари од регистрираните 1.038 поплаки за продажба на билетите за натпреварот. Од овие поплаки, 265 се од туристи, додека останатите се од локални жители.
Интер Мајами победи со 4:1 против Хонг Конг, а на стадионот имаше над 38.000 навивачи кои останаа разочарани и тоа поради фактот дека на теренот не се појави Лионел Меси. Според договорот, Меси требало да одигра барем 45 минути на оваа средба, но во договорот стоел анекс дека Аргентинецот може и да не игра само ако е повреден или болен.
Од тимот на Интер Мајами објавија дека Меси поради повреда не играл на тој дуел, а навивачите од трибините скандираа „Го сакаме Меси“ и „Вратете ги парите“. Неколку дена подоцна Меси заигра за Интер Мајами на пријателски меч одигран во Јапонија, што дополнително ги разгоре страстите кај разочараните фанови кои беа на трибините на стадионот во Хонг Конг.
Најекстремните бараа да се забранат средбите на кои игра Меси, а организаторот на мечот на кој требаше да игра Лео одлучи да врати барем 50 отсто од сумата која ја платија за билет на тој дуел.
The organizer of Inter Miami’s friendly in Hong Kong will offer a partial refund to fans following the backlash caused by Lionel Messi not featuring in the game. pic.twitter.com/1OizlUL6bY
— ESPN FC (@ESPNFC) February 9, 2024
