Репрезентацијата на Словенија во осминафиналето го заврши настапот на Европското првенство во Германија откако по голема драма и по изведување на пенали беше елиминирана од Португалија.
Цели 120 минути Словенците беа рамноправен ривал со големиот фаворит. Дури во 115-тата минута Словенците имаа стооостотна шанса за победа, но Шешко утна зицер. Претходно, во 105-тата минута Кристијано Роналдо не погоди пенал, но Португалците беа подобри во пенал-рулетот и славеа со 3:0.
Иако испадна, Словенија испиша историски момент на големите натпреварувања. Тоа е првата селекција во историјата не само на Европските туку и на Светските првенства која на еден ваков турнир имала четири нерешени резултати по ред и потоа била елиминирана.
Избраниците на селекторот Матјаж Кек прво одиграа 1:1 против Данска, па со Србија исто така завршија 1:1, а со Англија дуелот од групната фаза беше без голови (0:0). Во осминафиналето по 120 минути против Португалија немаше голови и тоа беше доволно за Словенија да испише историски резултат на ЕП или СП.
🚨 | Slovenia created a new record last night. pic.twitter.com/aBjN8Wabrh
— SPORTbible (@sportbible) July 2, 2024
